Enable Javscript for better performance
வேட்டைக்கு சென்றவா் வெடிகுண்டை தவறுதலாக மிதித்து படுகாயம்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் சென்னை திருப்பத்தூர்

    வேட்டைக்கு சென்றவா் வெடிகுண்டை தவறுதலாக மிதித்து படுகாயம்

    By DIN  |   Published On : 14th July 2020 02:56 AM  |   Last Updated : 14th July 2020 02:56 AM  |  அ+அ அ-  |  

    மருத்துவமனையில் சிகிச்சை பெற்று வரும் கருணாகரன்.

    மருத்துவமனையில் சிகிச்சை பெற்று வரும் கருணாகரன்.

    வாணியம்பாடி: நாட்டறம்பள்ளி அருகே வேட்டைக்குச் சென்றவா் வனவிலங்கு வேட்டையாட மாங்காயில் வைக்கப்பட்ட வெடிகுண்டை தவறுதலாக மிதித்து படுகாயமடைந்தாா்.

    திருப்பத்தூா் மாவட்டம், நாட்டறம்பள்ளி அடுத்த புதுப்பேட்டை முத்தானூா் கிராமத்தைச் சோ்ந்தவா் கருணாகரன்(23) ஆடு வியாபாரி. இவரது நண்பா் ஒட்டப்பட்டியைச் சோ்ந்த மோகன்(23). இவா்கள் இருவரும் கடந்த 7 ஆம் தேதி இரவு 10 மணியளவில் வெலகல்நத்தம் அருகே சுண்ணாம்பக்குட்டை பகுதியில் உள்ள காட்டு பகுதி அருகே உள்ள மாந்தோப்பில் எலிகளை வேட்டையாடச் சென்றனா். அப்போது மாந்தோப்பில் இருவரும் நடந்து சென்றபோது கருணாகரன் கீழே இருந்த மாங்கொட்டையை மிதித்ததாக கூறப்படுகிறது. அப்போது அதில் வைக்கப்பட்டிருந்த குண்டு பயங்கர சத்தத்தடன் வெடித்தது. இதில் கருணாகரன் வலது காலில் குண்டுகள் துளைத்ததில் படுகாயமடைந்தாா்.

    வலியால் துடித்த கருணாகரனை மீட்டு திருப்பத்தூா் அரசு மருத்துவனைக்கு மோகன் அழைத்துச் சென்றாா். பின் அங்கிருந்து கிருஷ்ணகிரி தனியாா் மருத்துவனைக்கும், அங்கிருந்து மேல் சிகிச்சைக்காக ஒசூா் தனியாா் மருத்துவமனையில் கருணாகரன் அனுமதிக்கப்பட்டாா். அங்கு ஞாயிற்றுக்கிழமை இரவு மருத்துவா்கள் வலதுகாலில் எம்ஆா்ஐ ஸ்கேன் செய்து பாா்த் போது அவரது காலில் நாட்டு துப்பாக்கியில் பயன்படுத்தப்படும் 50-க்கும் அதிகமான குண்டுகள் (பால்ரஸ்) துளைத்து இருப்பது தெரியவந்தது.

    இதுகுறித்து தனியாா் மருத்துவமனை நிா்வாகத்தினா் நாட்டறம்பள்ளி போலீஸாருக்கு தகவல் தெரிவித்தனா். இதனையடுத்து நாட்டறம்பள்ளி போலீஸாா் திங்கள்கிழமை ஓசூா் மருத்துவமனைக்கு சென்று நடந்த சம்பவம் குறித்து கருணாகரனிடம் விசாரித்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp