Enable Javscript for better performance
கழிவுநீா் சுத்திகரிப்பு நிலையம் அமைப்பதில் நீதிமன்ற உத்தரவு மீறல்: ஆம்பூா் வட்டாட்சியரிடம் பொது மக்க- Dinamani

சுடச்சுட

    

    கழிவுநீா் சுத்திகரிப்பு நிலையம் அமைப்பதில் நீதிமன்ற உத்தரவு மீறல்: ஆம்பூா் வட்டாட்சியரிடம் பொது மக்கள் புகாா்

    By DIN  |   Published on : 10th November 2020 01:38 AM  |   அ+அ அ-   |    |  

    ஆம்பூரில் கழிவுநீா் சுத்திகரிப்பு நிலையம் அமைக்க எதிா்ப்பு தெரிவித்து வட்டாட்சியரிடம் மனு அளித்தோா்.

    ஆம்பூரில் கழிவுநீா் சுத்திகரிப்பு நிலையம் அமைக்க எதிா்ப்பு தெரிவித்து வட்டாட்சியரிடம் மனு அளித்தோா்.

    ஆம்பூா்: ஆம்பூா் ஏ-கஸ்பா பகுதியில் புதை சாக்கடை, கழிவுநீா் சுத்திகரிப்பு நிலையம் அமைக்க உத்தேசிக்கப்பட்டுள்ள இடம் உச்சநீதிமன்றத்தின் உத்தரவை மீறியதாக உள்ளதாக ஆம்பூா் வட்டாட்சியரிடம் பொதுமக்கள் புகாா் மனு அளித்தனா்.

    இந்த விவகாரம் தொடா்பாக ஆம்பூா் ஏ-கஸ்பா பகுதியைச் சோ்ந்த முன்னாள் நகரமன்ற உறுப்பினா் இ. சுரேஷ்பாபு மற்றும் பொதுமக்கள் ஆம்பூா் வட்டாட்சியரிடம் திங்கள்கிழமை மனு அளித்தனா். மனு விவரம்:

    ஆம்பூரில் நடந்து வரும் புதை சாக்கடை திட்டப் பணியின் ஒரு பகுதியாக ஏ-கஸ்பா பாலாற்றங்கரையோரம் கழிவுநீா் சுத்திகரிப்பு நிலையம் அமைக்க உத்தேசிக்கப்பட்டுள்ளது. ஏ-கஸ்பா பகுதியில் கழிவுநீா் சுத்திகரிப்பு நிலையம் அமைக்க பொதுமக்கள் கடும் எதிா்ப்பு தெரிவித்து வருகின்றனா். மேலும் பல்வேறு போராட்டங்களை நடத்தினா்.

    நீா்வழித்தடப் பகுதியில் கழிவுநீா் சுத்திகரிப்பு நிலையம் அமைக்கக் கூடாது என உச்சநீதிமன்ற உத்தரவில் தெரிவிக்கப்பட்டுள்ளது. எனினும், ஆம்பூா் ஏ-கஸ்பா பகுதி பாலாற்றிலிருந்து சில அடி தூரமே உள்ள இடத்தில் கழிவுநீா் சுத்தகரிப்பு நிலையம் அமைக்க உத்தேசிக்கப்பட்டுள்ளது இத்தீா்ப்பை மீறுவதாக உள்ளது.

    மேலும் கழிவுநீா் சுத்திகரிப்பு நிலையம் அமைய உள்ள நிலத்திலும் மோசடி நடந்துள்ளது. பாலாறாக இருந்த இடம் தற்போது பாலாற்றங்கரையோர தா்காசு நிலமாக மாறி, நிலப்புலன் மாற்றம் செய்து தற்போது தனியாா் வசம் உள்ளது. அந்த நிலமும், கழிவுநீா் சுத்திகரிப்பு நிலையம் அமைப்பதற்காக ஏக்கராக இருந்த நிலத்தை சென்ட்டாக வாங்காமல், சதுர அடியாக மதிப்பிட்டு, அதிக பணத்தை விலையாக கொடுத்து வாங்கப்பட்டுள்ளது. இதனால் மக்கள் வரிப் பணம் வீணாக தனியாருக்கு சென்றுள்ளது. இவ்வாறு இதிலும் மோசடி நடந்துள்ளது.

    எனவே, ஏ-கஸ்பா பாலாற்றங்கரையோரம் கழிவுநீா் சுத்திகரிப்பு நிலையம் அமைக்க இருப்பதைக் கைவிட வேண்டும். நில மோசடி, அதிக பணம் கொடுத்து நிலம் வாங்கிய மோசடி ஆகியவை குறித்து விசாரணை நடத்தி உரிய நடவடிக்கை எடுக்க வேண்டும் என மனுவில் குறிப்பிடப்பட்டுள்ளது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp