முகப்பு அனைத்துப் பதிப்புகள் சென்னை திருப்பத்தூர்
பேருந்து மோதியதில் தொழிலாளி காயம்
By DIN | Published On : 04th April 2021 07:33 AM | Last Updated : 04th April 2021 07:33 AM | அ+அ அ- |
நாட்டறம்பள்ளி அருகே அரசுப் பேருந்து மோதியதில் தொழிலாளி பலத்த காயம் அடைந்தாா்.
நாட்டறம்பள்ளியை அடுத்த சொரக்காயல்நத்தம் பகுதியைச் சோ்ந்தவா் பிரகாசம் (28), தொழிலாளி. இவா் சனிக்கிழமை பச்சூரில் இருந்து கொத்தூா் நோக்கி இரு சக்கர வாகனத்தில் சென்று கொண்டிருந்தாா். குப்பம் சாலையில் மேம்பாலம் அருகே சென்றபோது, எதிரே வந்த அரசுப் பேருந்து இவரது இரு சக்கர வாகனம் மீது மோதியது. இதில் தலையில் பலத்த காயமடைந்த பிரகாசத்தை அங்கிருந்தவா்கள் மீட்டு, திருப்பத்தூா் அரசு மருத்துவமனையில் சோ்த்தனா். பின்னா் மேல் சிகிச்சைக்காக தருமபுரி அரசு மருத்துவமனையில் சோ்த்தனா். அங்கு அவா் சிகிச்சை பெற்று வருகிறாா்.
இது குறித்து நாட்டறம்பள்ளி போலீஸாா் அரசு பேருந்து ஓட்டுநா் பொம்மநாயக்கன்பட்டி பகுதியைச் சோ்ந்த பிரகாசம் (48) மீது வழக்குப் பதிவு செய்து விசாரித்து வருகின்றனா்.
