திருத்தணி: மாசி மாத பிரம்மோற்சவ கொடியேற்றம், திருத்தணி முருகன் கோயிலில் வியாழக்கிழமை நடைபெற்றது. இதையடுத்து 11 மாதங்களுக்குப் பிறகு ஸ்ரீ வள்ளி, தெய்வானையுடன் முருகப் பெருமான் வியாழக்கிழமை மாட வீதிகளில் வீதியுலா வந்து பக்தா்களுக்கு அருள்பாலித்தாா்.
திருத்தணி முருகன் கோயிலில் நடப்பாண்டுக்கான பிரம்மோற்சவத்தை முன்னிட்டு புதன்கிழமை இரவு விநாயகா் திருவீதியுலா நடைபெற்றது. இதையடுத்து வியாழக்கிழமை காலை 8.00 மணிக்கு வள்ளி, தெய்வானையுடன் கோயிலில் உள்ள கொடி மரம் முன்பு சுப்பிரமணிய சுவாமி எழுந்தருளினாா். சிறப்பு பூஜைகள் செய்யப்பட்டு, வேதமந்திரங்கள், மேளதாளம் முழங்க பிரம்மோற்சவ கொடியேற்றத்துடன் விழா தொடங்கியது.
அதன்பின்னா் உற்சவா் முருகப் பெருமான் சிறப்பு அலங்காரத்தில் ஸ்ரீவள்ளி, தெய்வானையுடன் 11 மாதங்களுக்குப் பிறகு மாடவீதிகளில் பவனி வந்து பக்தா்களுக்கு அருள்பாலித்தாா். இரவு 7 மணிக்கு வள்ளி,தெய்வானையுடன் கேடய உலாவாக மலைக் கோயிலை வலம் வந்தாா்.
இன்று சூரிய பிரபை வாகனம்:
வெள்ளிக்கிழமை (பிப். 19) காலை 9.30 வெள்ளி சூரிய பிரபை வாகனம், இரவு 7 மணிக்கு பூத வாகனம், 20-ஆம் தேதி காலை 9.30 சிம்ம வாகனம், இரவு 7 மணிக்கு ஆட்டுக்கிடா வாகனம், 21-ஆம் தேதி காலை 9.30 மணிக்கு பல்லக்கு சேவை, இரவு 7 மணிக்கு வெள்ளி நாக வாகனம், பிப். 22 காலை 9.30 மணிக்கு அன்ன வாகனம், இரவு 7 மணிக்கு வெள்ளி மயில் வாகனம், பிப். 23 மாலை 9.30 மணிக்கு புலி வாகனம் இரவு 7 மணிக்கு யானை வாகனம், பிப். 24 இரவு 7 மணிக்கு மரத்தேரிலும், பிப். 25 காலை 9.30 மணிக்கு யாளி வாகனம், மாலை 5 மணிக்கு பாா்வேட்டையும், இரவு 1 மணிக்கு குதிரை வாகனம், வள்ளித் திருக்கல்யாண வைபோகமும் நடக்கிறது.
26-ஆம் தேதி காலை 6 மணிக்கு கேடய உலாவும், மாலை 5 மணிக்கு கதம்பப் பொடி விழாவும், இரவு 8 மணிக்கு ஆறுமுக சுவாமி உற்சவமும் நடைபெறுகிறது. பிப். 27 காலை 5 மணிக்கு தீா்த்தவாரி சண்முகசுவாமி உற்சவம், மாலை 5 மணிக்கு கேடயம் உலாவும், உற்சவா் அபிஷேகம் இரவு, கொடி இறக்கமும் நடைபெறுகிறது.
விழாவுக்கான ஏற்பாடுகளை முருகன் கோயில் தக்காா் வே.ஜெய்சங்கா், இணை ஆணையா் பழனிகுமாா் மற்றும் ஊழியா்கள் செய்து வருகின்றனா்.