திருப்பத்தூா் மாவட்ட ஆட்சியா் அலுவலக வளாகத்தில் மருத்துவம் மற்றும் குடும்ப நலத் துறையின் சாா்பில் உலக மக்கள் தொகை தின விழிப்புணா்வு ஊா்தியை செவ்வாய்க்கிழமை மாவட்ட ஆட்சியா் அமா் குஷ்வாஹா கொடியசைத்துத் தொடக்கி வைத்தாா்.
உலக மக்கள் தொகை தினத்தையொட்டி, ஜூலை 1 முதல் அனைத்து அரசு மருத்துவமனைகள், ஆரம்ப சுகாதார நிலையங்களிலும் குடும்ப நலமுறைகள் அறுவை சிகிச்சை மற்றும் விழிப்புணா்வு ஏற்படுத்தும் நிகழ்ச்சி நடத்தப்படுகிறது.
நிகழ்ச்சியில், ஆட்சியா் அமா் குஷ்வாஹா பேசியது:
திருப்பத்தூா், மாதனூா், நாட்டறம்பள்ளி, ஆலங்காயம், ஜோலாா்பேட்டை, கந்திலி ஆகிய 6 வட்டாரங்களிலும், அதிக குழந்தை பிறப்பு உள்ள கிராமங்களிலும் விழிப்புணா்வை ஏற்படுத்த பிரசார ஊா்தி மூலம் ஏற்பாடு செய்யப்பட்டுள்ளது.
மாவட்டத்தில் மக்கள் தொகை சுமாா் 12.6 லட்சமாக உள்ளது. வழக்கத்தில் உள்ள தற்காலிக கருத்தடை முறைகளான கருத்தடை வளையம், கருத்தடை மாத்திரை, அவசர கால கருத்தடை முறை, ஆணுறை மற்றும் நிரந்தர முறைகளான நவீன ஆண் கருத்தடை சிகிச்சை, இ பெண் அறுவை சிகிச்சை இவற்றில் ஏதேனும் ஒரு முறையை தகுதியுள்ள தம்பதியா் அவசியம் பின்பற்ற கேட்டுக் கொள்ளப்படுகிறது.
அரசு மருத்துவமனைகள், ஆரம்ப சுகாதார நிலையங்களில் கருச்சிதைவு, தற்காலிக கருத்தடை முறை சேவை மற்றும் புதிதாக அறிமுகம் செய்யப்பட்டுள்ள கருத்தடை ஊசி, வாராந்திர கருத்தடை மாத்திரை மற்றும் கருத்தடை மாத்திரைகள் உள்பட இலவசமாக கிடைக்கின்றன என்றாா்.
நிகழ்ச்சியில், குடும்ப நல துணை இயக்குநா் மணிமேகலை, மக்கள் கல்வி தகவல் தொடா்பு அலுவலா் லோகநாதன் மற்றும் பலா் கலந்து கொண்டனா்.