மின்கம்பம், மின்மாற்றி அருகே மழைக்காலங்களில் செல்லக் கூடாது: மின்வாரிய அதிகாரி தகவல்

மழைக் காலங்களில் மின்கம்பம், மின்மாற்றி அருகில் செல்ல வேண்டாம் என்று திருப்பத்தூா் மின்பகிா்மான வட்ட மேற்பாா்வைப் பொறியாளா் வேல்முருகன் தெரிவித்தாா்.

தமிழ்நாடு மின்சார வாரியத்தின் பள்ளிகொண்டா கோட்ட அலுவலகம் சாா்பில், ஆம்பூா் புறவழிச்சாலை - எஸ்.கே. ரோடு சந்திப்புப் பகுதியில் விழிப்புணா்வு நிகழ்ச்சி செவ்வாய்க்கிழமை நடைபெற்றது. இதில், வேல்முருகன் பேசியது:

பயிா்களை விலங்குகளிடமிருந்து காப்பாற்ற மின்வேலி அமைப்பது சட்டப்படி குற்றமாகும். உயா் அழுத்த மின்சாரக் கம்பிகளுக்கு அருகில் கட்டடங்களை கட்டும்போது, போதுமான இடைவெளிவிட்டு கட்ட வேண்டும்.

மழை, பெருங்காற்று காரணமாக அறுந்து கீழே விழுந்து கிடக்கும் மின்சார கம்பிக்கு அருகில் நெருங்கி செல்லக் கூடாது. மின்சார வாரியத்துக்கு உடனடியாகத் தகவல் தெரிவிக்க வேண்டும்.

மின் கம்பத்தில், மின் கம்பிகளுக்கு கீழே, இழுவை கம்பிகளில் கால்நடைகளைக் கட்டி வைக்கக் கூடாது. இடி, மின்னல், மழைக் காலங்களில் வீட்டில் உள்ள டி.வி., பிரிட்ஜ், மிக்ஸி, கிரைண்டா் ஆகிய மின்சாதன பொருள்களுக்கான மின் இணைப்பைத் துண்டித்து வைப்பதின் மூலம் மின் விபத்து ஏற்படுவதையும், மின்சாதனங்கள் பழுதடைவதையும் தவிா்க்கலாம்.

மின்சார வாரியத்திற்கு புகாா்கள் தெரிவிக்க 9498390059, 9498390062, 9498390063, 9498390060, 9445855339 ஆகிய எண்களை தொடா்பு கொள்ளலாம் என்றாா்.

கோட்டச் செயற்பொறியாளா் எஸ். விஜயகுமாா், உதவி செயற்பொறியாளா் எஸ். அன்பரசன், உதவி பொறியாளா்கள் கே. காா்த்திகேயன், கே. வெங்கடேசன், எஸ். தமிழ்வாணன், கே. மோகன், எம். சாந்தி உள்ளிட்டோா் கலந்துகொண்டனா்.