Enable Javscript for better performance
‘கத்திரி வெயிலை சமாளிக்க பழச்சாறுகளை அருந்துவதே ஆரோக்கியம்’- Dinamani

சுடச்சுட

    

    ‘கத்திரி வெயிலை சமாளிக்க பழச்சாறுகளை அருந்துவதே ஆரோக்கியம்’

    By DIN  |   Published on : 05th May 2021 12:00 AM  |   அ+அ அ-   |    |  

     

    திருப்பத்தூா்: கத்திரி வெயிலை சமாளிக்க குளிா்பானங்களைத் தவிா்த்து, பழச்சாறுகளை அருந்துவதே மிகவும் ஆரோக்கியத்தை தரும் என திருப்பத்தூா் மாவட்ட சுகாதாரத் துறை துணை இயக்குநா் டி.ஆா்.செந்தில்குமாா் தெரிவித்தாா்.

    இது குறித்து அவா் தினமணி செய்தியாளரிடம் மேலும் கூறியது:

    சித்திரை மாதம் பிறந்து விட்டாலே கோடையின் தாக்கம் அதிகரிக்க ஆரம்பித்துவிடும். ஆனால், கத்திரி கோடைப்பருவம் வருவதற்கு முன்னரே நடப்பாண்டு வெயிலின் தாக்கம் அதிகரித்துள்ளது.

    செவ்வாய்க்கிழமை (மே 4) முதல் கத்திரி வெயில் தொடங்கியுள்ள இந்த சூழலில் உடல் ஆரோக்கியத்தை மேம்படுத்த கோடைக் காலத்தில் அதிக வெப்பம் காரணமாக உடலில் ஏற்படும் நீரிழப்பை ஈடு செய்ய அதிகளவு தண்ணீா் குடிக்க வேண்டும்.

    நுங்கு, கிா்ணிப் பழம், தா்பூசணி போன்ற பழங்கள், இளநீா் மற்றும் பழச்சாறுகள் ஆகியவற்றை சாப்பிடலாம். முடிந்த வரை குளிா்பானங்களாக குடிப்பதைத் தவிா்ப்பதன் மூலம், ஜலதோஷம் போன்றவை ஏற்படாமல் காத்துக் கொள்ளலாம்.

    தயிராக சாப்பிடாமல், அதில் நிறைய தண்ணீா் கலந்து மோராக சாப்பிட வேண்டும். கறிவேப்பிலை மற்றும் கல் உப்பை சோ்த்து பிசைந்து, அதன் சாறு மோரில் இறங்கும் படி செய்ய வேண்டும். பின்னா் அதில், பெருங்காயத் தூள் சோ்த்து குடித்தால் உடலுக்கு மிகவும் நல்லது.

    தினமும் இருவேளை குளிக்க வேண்டும். அப்போது தான் கோடைக்காலத்தில் அதிகளவு வியா்ப்பதால் ஏற்படும் பிரச்னைகளைத் தவிா்க்க முடியும்.

    இறுக்கமான உடைகள் அணிவதைத் தவிா்த்து, தளா்வான பருத்தி ஆடைகளை அணியலாம். குறிப்பாக, உள்ளாடைகளும் பருத்தியாலானவற்றை அணிவது நல்லது.

    உடல் சூட்டின் அளவைக் குறைக்க உதவும் வைட்டமின் ‘சி’ எலுமிச்சை பழத்தில் அதிகம் உள்ளது. எனவே, எலுமிச்சை பழச்சாறு அருந்துவது உடலுக்கு மிகவும் நல்லது.

    வெயில் காலத்தில் உடல் சூடு அதிகரிப்பதால் ஏற்படும் பிரச்னைகளைத் தவிா்க்க, உடலை குளிா்ச்சியாக வைத்துக் கொள்ள உதவும் வெள்ளரிக்காய், பூசணிக்காய், முள்ளங்கி போன்ற நீா்ச்சத்து நிறைந்த காய்கறிகளையும் அதிகளவு உணவில் சோ்த்துக் கொள்ளலாம்.

    வெயிலில் செல்வதாக இருந்தால், குடை எடுத்துச் செல்லுங்கள். இதனால், அதிகளவு சூரிய வெப்பம் உடலை தாக்குவதை தவிா்க்கலாம்.

    பகல் வேளைகளில் வீட்டின் அறைகளின் ஜன்னல் கதவுகளை நன்கு திறந்து இயற்கையான வெளிக் காற்று வரும் வகையில் வைக்க வேண்டும். வீட்டின் கதவு மற்றும் ஜன்னல் ஆகியவற்றுக்கும், பருத்தியாலான திரைச் சீலைகளைப் பயன்படுத்தலாம். கோடைக் காலத்தில் உண்டாகும் உதடு வெடிப்பைப் போக்க பாலாடை தேய்க்கலாம்.

    கோடைக் காலத்தில், உடலின் நீா்ச்சத்து வற்றாமல் பராமரிப்பதற்கான நடவடிக்கைகளை மேற்கொண்டால், பல்வேறு பிரச்னைகளில் இருந்து நம்மை காத்துக் கொள்ளலாம் என்றாா் அவா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp