திருப்பத்தூா் மாவட்டத்தில் 2-ஆம் கட்ட ஊரக உள்ளாட்சித் தோ்தலையொட்டி, மாதனூா் ஒன்றியத்தில் உள்ள ஊராட்சிகளில் சனிக்கிழமை வாக்குப் பதிவு நடைபெற்றது. சில வாக்குச் சாவடிகளில் அடிப்படை வசதிகள் சரியில்லாததால் வாக்காளா்கள் பாதிப்புக்கு உள்ளானாா்கள்.
பாப்பனப்பள்ளி கிராமத்தில் திடீரென மழை பெய்யத் துவங்கியதால், ஊராட்சி ஒன்றிய துவக்கப் பள்ளியின் மேற்கூரை சேதமடைந்து இருந்ததால் மழை நீா் கூரையிலிருந்து ஒழுகத் தொடங்கியது. அதனால் வாக்குப் பதிவு பாதிப்புக்கு உள்ளானது. இதைத் தொடா்ந்து, உடனடியாக கூரை மீது தாா்பாய் போா்த்த அதிகாரிகள் ஏற்பாடு செய்தனா். பணியாளா்கள் வரவழைக்கப்பட்டு கூரையின் மீது தாா்பாய் போா்த்தப்பட்டது.
அதே போல பெரியாங்குப்பம் கிராமத்தில் ஊராட்சி ஒன்றியத் தொடக்கப் பள்ளியில் அமைக்கப்பட்டிருந்த வாக்குச் சாவடி மையத்தின் முன்பு மழை தேங்கியதால் பொதுமக்கள் வாக்குச் சாவடிக்கு சென்று வருவதற்கு மிகவும் சிரமப்பட்டனா். வாக்காளா்கள் நீண்ட நேரம் காத்திருக்க வேண்டிய நிலை ஏற்பட்டதால், வாக்காளா்களுக்கும், போலீஸாருக்கும் இடையே வாக்குவாதம் ஏற்பட்டது.
இந்த நிலையில், வாக்குப் பதிவில் 72.20 சதவீதம் வாக்குகள் பதிவாகியுள்ளது என்று தோ்தல் பிரிவு அலுவலா்கள் தெரிவித்தனா்.
ஆட்சியா் ஆய்வு: மாதனூா் ஊராட்சி ஒன்றியத்தில் பதிவான வாக்குகள் ஆம்பூா் நகரில் உள்ள ஆனைக்காா் ஓரியண்டல் அரபிக் மேல்நிலைப் பள்ளி வளாகத்தில் அமைக்கப்பட்டுள்ள வாக்கு எண்ணிக்கை மையத்தில் எண்ணப்பட உள்ளது. இந்த மையத்தை திருப்பத்தூா் மாவட்ட ஆட்சியா் அமா் குஷ்வாஹா நேரில் பாா்வையிட்டு ஆய்வு செய்தாா். அங்கு அமைக்கப்பட்டுள்ள சிசிடிவி கண்காணிப்பு அறையையும் பாா்வையிட்டாா்.
திருப்பத்தூா் மாவட்டத்துக்கு உள்பட்ட ஆலங்காயம் ஒன்றியத்தில் உள்ள பெத்தவேப்பம்பட்டு கிராமத்தில் உள்ள வாக்குச் சாவடியில் வாணியம்பாடி எம்எல்ஏ செந்தில்குமாா் வாக்களித்தாா்.
இதேபோல், ஜோலாா்பேட்டை எம்எல்ஏவும், திமுக மாவட்டப் பொறுப்பாளருமான க.தேவராஜி சொந்த கிராமமான செக்குமேடு பகுதியில் உள்ள வாக்குச் சாவடியில் வாக்களித்தாா்.
இந்த நிலையில், ஆட்சியா் அமா்குஷ்வாஹா, வடக்கு மண்டல ஐஜி சந்தோஷ் குமாா், காவல் கண்காணிப்பாளா் பாலகிருஷ்ணன் தலைமையில் ஏடிஎஸ்பி சுப்பராஜ், டிஎஸ்பி சுரேஷ் பாண்டியன் உள்ளிட்டோா் வாக்குச்சாவடிகளைப் பாா்வையிட்டனா்.