Enable Javscript for better performance
திருப்பத்தூா் மாவட்டத்தில் திமுக முன்னிலை- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் சென்னை திருப்பத்தூர்

    திருப்பத்தூா் மாவட்டத்தில் திமுக முன்னிலை

    By DIN  |   Published On : 13th October 2021 12:00 AM  |   Last Updated : 12th October 2021 11:21 PM  |  அ+அ அ-  |  

    polls

    ஊரக உள்ளாட்சித் தோ்தல் வாக்கு எண்ணிக்கையில் திருப்பத்தூா் மாவட்டத்தில் திமுக பெரும்பாலான வாா்டுகளில் வென்றும், முன்னிலை பெற்றும் வருகிறது.

    திருப்பத்தூா் மாவட்டத்தில் ,13 மாவட்ட ஊராட்சிக் குழு உறுப்பினா்கள் பதவிக்கு 74 பேரும், 125 ஒன்றியக் குழு உறுப்பினா் பதவிக்கு 481 பேரும், 208 ஊராட்சி மன்றத் தலைவா் பதவிக்கு 767 பேரும், 1,779 கிராம ஊராட்சி வாா்டு உறுப்பினா் பதவிக்கு 1,593 பேரும் என மொத்தமுள்ள 2,125 பதவிகளுக்கு 6,487 போ் போட்டியிட்டனா்.

    திருப்பத்தூா் ஒன்றியத்துக்கான வாக்கு எண்ணிக்கை குரிசிலாப்பட்டை அடுத்த வடுகமுத்தம்பட்டி அரசு ஆண்கள் மேல்நிலைப் பள்ளியிலும், ஜோலாா்பேட்டை ஒன்றியத்துக்கான வாக்கு எண்ணிக்கை அக்ராஹரம் அரசு பாலிடெக்னிக் கல்லூரியிலும், கந்திலி ஒன்றியத்துக்கான வாக்குகள் கெஜல்நாயக்கன்பட்டி அரசு ஆண்கள் மேல்நிலைப் பள்ளியிலும் எண்ணப்பட்டன.

    வாக்கு எண்ணும் மையத்துக்குள் அடையாள அட்டையுடன் வந்த முகவா்கள் கடும் சோதனைக்குப் பின்னா் அனுமதிக்கப்பட்டனா். செல்லிடப்பேசி,தடை செய்யப்பட்ட பொருள்கள் உள்ளே எடுத்துச் செல்ல அனுமதிக்கப்படவில்லை. வாக்கு எண்ணிக்கை நிகழ்வுகள் அனைத்தும் வீடியோ பதிவு செய்யப்பட்டது.

    ஒவ்வொரு மையத்திலும் பதவிவாரியாக வாக்குச்சீட்டுகள் தனித்தனியாகப் பிரிக்கப்பட்டு, அந்தந்த வேட்பாளா்கள், முகவா்கள் முன்னிலையில் எண்ணப்பட்டது. எண்ணி முடிக்கப்பட்ட வாக்குச்சீட்டுகள் மீண்டும் தனித்தனி கட்டுகளாகக் கட்டப்பட்டன.

    வாக்கு எண்ணிக்கை பணியில் 3,438 அரசு அலுவலா்கள் ஈடுபட்டனா். மொத்தம் 567 சிசிடிவி கண்காணிப்பு கேமிராக்கள் பொருத்தப்பட்டிருந்தன.

    திமுக முன்னிலை: 3 ஒன்றியங்களில் ஜோலாா்பேட்டை ஒன்றியத்தில் 2 மாவட்ட ஊராட்சிக் குழு உறுப்பினா் பதவியும், கந்திலியில் 3 மாவட்ட ஊராட்சிக் குழு உறுப்பினா் பதவியும், திருப்பத்தூா் ஒன்றியத்தில் 2 மாவட்ட ஊராட்சிக் குழு உறுப்பினா் பதவியும் என திமுகவே முன்னிலை பெற்றுவருகின்றனா்.

    இதேபோல், திருப்பத்தூரில் 21 ஒன்றியக் குழு உறுப்பினா்கள், ஜோலாா்பேட்டை ஒன்றியத்தில் 25 உறுப்பினா்கள், கந்திலி ஒன்றியத்தில் 22 ஒன்றியக் குழு உறுப்பினா் பதவிகளில் பெரும்பாலான வாா்டுகளில் திமுகவும், அதன் கூட்டணிக் கட்சியினரே வெற்றி பெற்றும், முன்னிலை பெற்றும் வருகின்றனா். வெற்றிப் பெற்றவா்களுக்கு அதற்கான சான்றிதழ்களை தோ்தல் அலுவலா்கள் வழங்கினா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp