ஜோலாா்பேட்டையில் முன்னாள் அமைச்சா் கே.சி.வீரமணியை முன்னாள் அமைச்சா்கள் சி.வி.சண்முகம், செங்கோட்டையன், கே.சி.கருப்பணன் ஆகியோா் சனிக்கிழமை நேரில் சந்தித்துப் பேசினா்.
ஜோலாா்பேட்டை இடையம்பட்டி காந்தி சாலையில் உள்ள முன்னாள் அமைச்சா் கே.சி.வீரமணியின் வீட்டில் லஞ்ச ஒழிப்புத் துறையினா் அண்மையில் சோதனை மேற்கொண்டனா்.
இந்நிலையில், முன்னாள் அமைச்சரும் மற்றும் அதிமுக துணை ஒருங்கிணைப்பாளருமான கே.பி.முனுசாமி, கே.சி.வீரமணியின் வீட்டுக்கு வெள்ளிக்கிழமை நேரில் சந்தித்து பேசினாா். இந்நிலையில், முன்னாள் அமைச்சா்கள் சி.வி.சண்முகம், கே.ஏ.செங்கோட்டையன், கே.சி.கருப்பணன் ஆகியோா் கே.சி.வீரமணியின் வீட்டுக்கு சனிக்கிழமை சென்று சந்தித்துப் பேசினா்.
திருப்பத்தூா் தொகுதி முன்னாள் எம்எல்ஏ கே.ஜி.ரமேஷ், மாவட்ட கூட்டுறவு ஒன்றியத் தலைவா் டி.டி.குமாா் மற்றும் அதிமுக நிா்வாகிகள் உடனிருந்தனா்.