ஆம்பூா் நகரில் உள்ளாட்சி தோ்தலுக்கு 108 வாக்குச் சாவடிகள் அமைய உள்ளன.
ஆம்பூா் நகராட்சியில் 36 வாா்டுகள் அமைந்துள்ளன. இவற்றில் 18 வாா்டுகள் பெண்களுக்கு ஒதுக்கீடு செய்யப்பட்டுள்ளன. பெண்களுக்கு ஒதுக்கப்பட்டுள்ள 18 வாா்டுகளில் பெண்கள் பொது 15 வாா்டுகளும், ஆதிதிராவிடா் பெண்களுக்கு 3 வாா்டுகளும் ஒதுக்கீடு செய்யப்பட்டுள்ளன. 15 பொது வாா்டுகளும், 3 ஆதிதிராவிட பொது வாா்டுகளும் ஒதுக்கீடு செய்யப்பட்டுள்ளன.
ஆம்பூா் நகரில் ஆண் வாக்காளா்கள் 49,022, பெண் 52,563, மற்றவா்கள் 18 என மொத்தம் 1,01,603 வாக்காளா்கள் உள்ளனா். 25 மையங்களில் 108 வாக்குச் சாவடிகள் அமைய உள்ளன. இதில் பி-கஸ்பா பகுதியில் 2 வாா்டுகளும், பன்னீா்செல்வம் நகா் பகுதியில் ஒரு வாா்டும் பதற்றமானதாக கண்டறியப்பட்டுள்ளன.
வேட்பு மனு தாக்கல்: ஆம்பூா் நகராட்சி ஆணையா் ஷகிலா தோ்தல் அலுவலராக செயல்படுவாா். அவருடன் 4 உதவி தோ்தல் நடத்தும் அலுவலா்கள் செயல்படுவாா்கள். 9 வாா்டுகளுக்கு ஒரு உதவி தோ்தல் நடத்தும் அலுவலா் என 36 வாா்டுகளுக்கு 4 உதவி தோ்தல் நடத்தும் அலுவலா்கள் நியமிக்கப்பட்டுள்ளனா்.
பறக்கும் படை :
தோ்தல் நடத்தை விதிமுறைகளை கண்காணிக்க 3 தோ்தல் பறக்கும் படைகள் அமைக்கப்பட்டுள்ளன. மாதனூா் துணை வட்டார வளா்ச்சி அலுவலா் ஸ்ரீனிவாசன் - 9080258366, மேல்சாணாங்குப்பம் வருவாய் ஆய்வாளா் சதீஷ்குமாா் - 9943310656, மாதனூா் வருவாய் ஆய்வாளா் அண்ணாமலை - 97913 25666 ஆகியோா் தலைமையில் தோ்தல் பறக்கும் படையினா் வியாழக்கிழமை முதல் தங்களுடைய பணியை துவக்கியுள்ளனா். பொதுமக்கள் தோ்தல் பறக்கும் படை அலுவலா்களுடைய செல்லிடப்பேசி எண்களுக்கு தொடா்பு கொண்டு தோ்தல் நடத்தை விதிமுறை மீறல்கள் இருந்தால் தகவல் தெரிவிக்கலாம்.