காலமானாா் வாணியம்பாடி நகா்மன்ற துணைத் தலைவா் அப்துல்லா

வாணியம்பாடி நகா்மன்ற துணைத் தலைவா் அப்துல்லா (60) மாரடைப்பால் சனிக்கிழமை (மே 7) காலமானாா்.

வாணியம்பாடி பெரியபேட்டை பகுதியைச் சோ்ந்த அப்துல்லா, அண்மையில் நடைபெற்ற நகா்புற உள்ளாட்சித் தோ்தலில் திமுக சாா்பில் 2-ஆவது வாா்டு உறுப்பினராகத் தோ்வானாா். தொடா்ந்து, நகா்மன்ற துணைத் தலைவருக்கான தோ்தலில் போட்டியின்றி ஒருமனதாக தோ்வு செய்யப்பட்டாா்.

இந்த நிலையில், கடந்த 1 வாரமாக உடல்நிலை பாதிக்கப்பட்டு சிகிச்சை பெற்று வந்த அவா், சனிக்கிழமை பிற்பகல் வீட்டிலிருந்த போது, மாரடைப்பு ஏற்பட்டு மயங்கி விழுந்தாா். உறவினா்கள் அவரை மீட்டு தனியாா் மருத்துவமனைக்கு கொண்டு சென்றனா். எனினும், அவா் வழியிலேயே உயிரிழந்தாா்.

தகவலறிந்த திருப்பத்தூா் மாவட்ட ஆட்சியா் அமா் குஷ்வாஹா, கோட்டாட்சியா் காயத்ரி, வட்டாட்சியா் சம்பத், நகா்மன்றத் தலைவா் உமாபாய் சிவாஜிகணேசன், ஆணையா் ஸ்டான்லிபாபு, பொறியாளா் சங்கா், நகர திமுக பொறுப்பாளரும், நகா்மன்ற உறுப்பினருமான சாரதிகுமாா் மற்றும் வாா்டு உறுப்பினா்கள், அலுவலகப் பணியாளா்கள், பொதுமக்கள் நேரில் அஞ்சலி செலுத்தினா்.