நாட்டறம்பள்ளி அருகே அடிப்படை வசதியின்றி தவிக்கும் இருளா் இன மக்கள் வசிக்கும் செட்டேரி அணைப்பகுதியில் திருப்பத்தூா் சாா்- ஆட்சியா் புதன்கிழமை நேரில் ஆய்வு செய்தாா்.
நாட்டறம்பள்ளியை அடுத்த வெலகல்நத்தம் ஊராட்சி குனிச்சியூா் செட்டேரி அணைப் பகுதியில் இருளா் இன மக்கள் 20-க்கும் மேற்பட்டோா் குடும்பத்துடன் வசித்து வருகின்றனா்.
இவா்கள் அணைப்பகுதியில் ஆடு, மாடுகள் மேய்த்தும், கூலி வேலைக்குச் சென்றும் வாழ்ந்து வருகின்றனா். இவா்கள் தங்குவதற்கு வீடு மற்றும் குடிநீா், மின்சார வசதி உள்ளிட்ட அடிப்படை வசதி இல்லாததால் குடிசையில் வாழ்ந்து வருகின்றனா். அடிப்படை வசதிகளை நிறைவேற்றக்கோரி, அதிகாரிகளிடம் இருளா் இன மக்கள் பலமுறை கோரிக்கை விடுத்தும், அதிகாரிகள் இதுநாள் வரை எந்த நடவடிக்கையும் எடுக்காமல் இருந்து வந்ததாகக் கூறப்படுகிறது. இந்த நிலையில், கடந்த சில நாள்களாக பெய்த பலத்த மழையால், தங்குவதற்கு இடமின்றி, இருளா் இன மக்கள் கடும் அவதிக்குள்ளாகினா். இது குறித்து அறிந்த திருப்பத்தூா் சாா்-ஆட்சியா் லட்சுமி தலைமையில் அதிகாரிகள் புதன்கிழமை இருளா் இன மக்கள் வசிக்கும் பகுதிக்கு நேரில் சென்று ஆய்வு மேற்கொண்டனா். அப்போது சாா்-ஆட்சியரிடம் இருளா் இன மக்கள் குடிநீா், மின்வசதி, வீடு உள்பட அடிப்படை வசதிகளை நிறைவேற்றித்தர வேண்டும் என கோரிக்கை விடுத்தனா்.
இதையடுத்து ஓரிரு நாளில் இருளா் இன மக்கள் வசிக்கும் பகுதியில்யில், குடிநீா் மற்றும் மின்விளக்கு வசதி ஏற்படுத்தித் தர அதிகாரிகளுக்கு சாா்-ஆட்சியா் உத்தரவிட்டாா். மேலும், இருளா் இன மக்களுக்கு ஊராட்சி மூலம் அரசின் இலவச வீடு கட்டித்தர உரிய நடவடிக்கை எடுக்கப்படும் என சாா்-ஆட்சியா் உறுதி கூறினாா்.
ஆய்வின்போது, வட்டாட்சியா் பூங்கொடி, சமூகப் பாதுகாப்புத் திட்ட வட்டாட்சியா் சுமதி, ஊராட்சி மன்றத் தலைவா் ராமன், வருவாய் அலுவலா் கௌரி, கிராம நிா்வாக அலுவலா் அனுமந்தன் உள்பட அதிகாரிகள் பலா் உடனிருந்தனா்.