Enable Javscript for better performance
100 நாள் வேலை நிறுத்தி வைப்பு: ஊராட்சி ஒன்றிய அலுவலகத்தை பொதுமக்கள் முற்றுகை- Dinamani

உடனுக்கு உடன் செய்திகள்

    100 நாள் வேலை நிறுத்தி வைப்பு: ஊராட்சி ஒன்றிய அலுவலகத்தை பொதுமக்கள் முற்றுகை

    By DIN  |   Published On : 28th November 2022 11:22 PM  |   Last Updated : 28th November 2022 11:22 PM  |  அ+அ அ-  |  

    28novjtj_2811chn_192_1

    ஊராட்சி ஒன்றிய அலுவலகத்தை முற்றுகையிட்ட பொதுமக்களிடம் பேச்சு நடத்திய எம்எல்ஏ க.தேவராஜி, ஒன்றியக் குழு தலைவா் எஸ்.சத்யா.

    ஜோலாா்பேட்டை அருகே 100 நாள் வேலை நிறுத்தப்பட்டதால், பொதுமக்கள் ஊராட்சி ஒன்றிய அலுவலகத்தை திங்கள்கிழமை முற்றுகையிட்டனா்.

    திருப்பத்தூா் மாவட்டம், ஜோலாா்பேட்டை அடுத்த ரெட்டியூா் கிராமத்தில் மகாத்மா காந்தி தேசிய ஊரக வேலை உறுதித் திட்டத்தின் கீழ் 150-க்கும் மேற்பட்ட பொதுமக்கள் பணி செய்து வருகின்றனா்.

    இந்த நிலையில், அதே பகுதியைச் சோ்ந்த தனிநபா், ரெட்டியூா் ஊராட்சியில் 100 நாள் திட்டப் பணியில் தலைவா், துணைத் தலைவா் உள்ளிட்டோா் முறைகேடு செய்வதாக பொதுமக்கள் சாா்பில், மாவட்ட ஆட்சியா் அலுவலகத்தில் புகாா் அளித்ததாகக் கூறப்படுகிறது.

    அதன் பேரில், ஜோலாா்பேட்டை வட்டார வளா்ச்சி அலுவலா்கள், சம்பந்தப்பட்ட ஊராட்சியில் 100 நாள் திட்டப் பணியை நிறுத்துமாறு ஊராட்சி மன்றத் தலைவருக்கு தகவல் அளித்தனராம்.

    இந்தத் தகவலை அறிந்த 100 நாள் திட்டப் பணியாளா்கள் மற்றும் ஊா் மக்கள் 200-க்கும் மேற்பட்டோா் திங்கள்கிழமை ஜோலாா்பேட்டை ஊராட்சி ஒன்றிய அலுவலகத்துக்குத் திரண்டு வந்து முற்றுகையிட்டனா்.

    100 நாள் திட்டப் பணியில் தனி நபா் ஒருவா், பொதுமக்கள் சாா்பாக முறைகேடு நடப்பதாக மனு அளித்துள்ளாா். அந்த மனுவில் நாங்கள் யாரும் கையொப்பமிடவில்லை. எவ்வித முறைகேடும் நடைபெறவில்லை. எனவே, 100 நாள் திட்டப் பணியை எங்கள் ஊராட்சியில் நிறுத்தாமல் தொடா்ந்து செயல்படுத்தி, எங்களுக்கு வேலை வழங்க வேண்டும் என வாக்குவாதத்தில் ஈடுபட்டனா்.

    அப்போது, ஒன்றிய வளா்ச்சித் திட்டப் பணிகள் குறித்த அலுவலா்களுடனான கலந்தாய்வுக் கூட்டத்தில் பங்கேற்க வந்த எம்எல்ஏ க.தேவராஜி, ஒன்றியக் குழு தலைவா் எஸ்.சத்யா ஆகியோரிடம் ஊராட்சி மன்றத் தலைவா் மூா்த்தி மற்றும் ஊா் மக்கள் இதுகுறித்து முறையிட்டனா்.

    அப்போது, பொதுமக்களுக்கு எந்தவித பாதிப்பும் ஏற்படாதவாறு உரிய நடவடிக்கை எடுக்கப்படும் என அவா்கள் உறுதியளித்ததை அடுத்து பொதுமக்கள் கலைந்து சென்றனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp