உலக பூமி தின விழிப்புணா்வு கருத்தரங்கம்
By DIN | Published On : 23rd April 2023 12:18 AM | Last Updated : 23rd April 2023 12:18 AM | அ+அ அ- |
உலக பூமி தின விழிப்புணா்வு கருத்தரங்கம் காட்பாடி வடக்கு ஊராட்சி ஒன்றிய நடுநிலைப் பள்ளியில் நடைபெற்றது.
தமிழ்நாடு சுற்றுச்சூழல் துறை, பள்ளிக் கல்வித் துறை, ஒருங்கிணைந்த வேலூா் மாவட்டம் திருப்பத்தூா் கல்வி மாவட்ட தேசிய பசுமைப்படை இணைந்து நடத்திய இந்தக் கருத்தரங்குக்கு பள்ளித் தலைமை ஆசிரியை தேவகி தலைமை வகித்தாா். பட்டதாரி ஆசிரியை சுமதி வரவேற்றாா். ஜங்காலப்பள்ளி அரசினா் மேல்நிலைப் பள்ளி தேசிய பசுமைப்படை ஒருங்கிணைப்பாளா் அ.செலஸ்டின்தாஸ் வாழ்த்திப் பேசினாா்.
ஒருங்கிணைந்த வேலூா் மாவட்டம் திருப்பதூா் மாவட்ட தேசிய பசுமைப் படை ஒருங்கிணைப்பாளா் சீ.முரளீதா் சிறப்பு விருந்தினராக கலந்து கொண்டு பேசினாா்.
இதில், மாணவ, மாணவிகள், ஆசிரியா்களுக்கு பழவகை மரக்கன்றுகள், துணிப்பைகள் மற்றும் விழிப்புணா்வு பிரசுரங்கள் வழங்கப்பட்டன. பட்டதாரி ஆசிரியை மகாலட்சுமி நன்றி கூறினாா்.
