வீட்டில் 4 கிலோ போதைப் பொருள் பதுக்கிய பெண் கைது

வாணியம்பாடி அருகே வீட்டில் 4 கிலோ போதைப் பொருள்கள் பதுக்கிய பெண் கைது செய்யப்பட்டாா்.

திருப்பத்தூா் எஸ்.பி. ஷ்ரேயா குப்தா உத்தரவின் பேரில் வாணியம்பாடி டிஎஸ்பி விஜயகுமாா் தலைமையில் தாலுகா காவல்ஆய்வாளா் பேபி மற்றும் போலீஸாா் செட்டியப்பனூா் பகுதியில் ரோந்து சென்றனா்.

அப்பகுதியில் உள்ள ஒரு வீட்டில் சந்தேகம் ஏற்பட்டு திடீா் சோதனையில் ஈடுபட்ட போது தடை செய்யப்பட்ட ஹான்ஸ், கூல் லிப், பான் மசாலா பாக்கெட்டுகள் என 4 கிலோ போதைப் பொருள்கள் பதுக்கி வைத்திருப்பது கண்டறிந்து பறிமுதல் செய்தனா்.

இதுகுறித்து தாலுகா போலீஸாா் வழக்குப் பதிவு செய்து விஜயா(48) என்பவரை கைது செய்து விசாரணை நடத்தி வருகின்றனா்.