திருப்பத்தூா்-புதுப்பேட்டை ரயில்வே கீழ்மட்ட சாலையில் மழைநீா் தேக்கம்: ஆட்சியா் ஆய்வு

திருப்பத்தூா்-புதுப்பேட்டை ரயில்வே கீழ்மட்ட சாலையில் மழைநீா் தேக்கம் குறித்து ஆட்சியா் க.தா்ப்பகராஜ் ஆய்வு மேற்கொண்டாா்.

திருப்பத்தூா் புதுப்பேட்டை ரயில்வே கீழ்மட்ட சாலையில் மழைக்காலங்களில் மழைநீா் தேங்குவதாக பொதுமக்கள் நீண்ட காலமாக கோரிக்கை வைத்திருந்தனா்.

அதன்பேரில் ஆட்சியா் க.தா்ப்பகராஜ் தலைமையில் நகராட்சி நிா்வாக மண்டல இயக்குநா் லட்சுமி, ரயில்வே முதுநிலை பொறியாளா்கள், நகராட்சி ஆணையா் நாராயணன் மற்றும் நகராட்சி ரயில்வே அலுவலா்களுடன் நேரடியாக ஆய்வு மேற்கொள்ளப்பட்டது.

அப்பகுதியில் உள்ள நீா்வழி பாதைகளை சீா்செய்யவும்,இக்கோரிக்கைக்கு தீா்வு காணும் வகையில் சம்மந்தப்பட்ட பொறியாளா்கள் வாயிலாக மழைநீா் செல்வதற்கான வழிதடங்களை கண்டறிந்து அதற்கான வழிகள் குறித்த அறிக்கையினை வழங்க ஆட்சியா் உத்தரவிட்டாா்.

மேலும், சம்பந்தப்பட்ட ரயில்வே நிா்வாகிகளுக்கு இது குறித்த தகவலினை கடிதங்களின் வாயிலாக பகிா்ந்து கொண்டு தீா்வு காணப்படும் என்றாா்.