Enable Javscript for better performance
வரதட்சிணை கொடுமை: 3 பேருக்கு தலா 2 ஆண்டுகள் சிறை- Dinamani

சுடச்சுட

    

    வரதட்சிணை கொடுமை: 3 பேருக்கு தலா 2 ஆண்டுகள் சிறை

    By  மாதவரம்,  |   Published on : 12th November 2017 01:55 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மாதவரம் அருகே மனைவியை வரதட்சிணை கேட்டு கொடுமைப்படுத்தியதாக கணவர் உள்பட 3 பேருக்கு 2 ஆண்டுகள் சிறை தண்டனை விதித்து நீதிமன்றம் வெள்ளிக்கிழமை தீர்ப்பு வழங்கியது.
     சென்னை, மாதவரம் அருகே தபால் பெட்டியைச் சேர்ந்தவர் தாமோதரன் (44). இவருக்கும், சென்னை ஏழுகிணறு பகுதியைச் சேர்ந்த அமுதாவுக்கும் (42), கடந்த 2009ம் ஆண்டு திருமணம் நடந்தது. திருமணத்தின் போது 20 சவரன் நகைகளும், ரூ. 1 லட்சம் ரொக்கம் மற்றும் சீர்வரிசைப் பொருள்களும் வழங்கப்பட்டன.
     இந்நிலையில், தாமோதரன் சொந்தமாக தொழில் தொடங்க, அமுதாவிடம் கூறி அவரது பெற்றோரிடம் இருந்து பணம் வாங்கித் தருமாறு கேட்டுள்ளார். இதையடுத்து , அமுதா பணம் வாங்கிக் கொடுத்ததாகத் தெரிகிறது. ஆனால், மேலும் பணம் கேட்டு அமுதாவை தாமோதரன் கொடுமைப்படுத்தியதாகக் கூறப்படுகிறது.
     இதையடுத்து, மாதவரம் காவல் நிலையத்தில் அமுதா தனது கணவர் தாமோதரன், அவரது தாயார் சுலோச்சனா, சகோதரி நிர்மலா ஆகியோர் மீது புகார் அளித்தார்.
     இதைத்தொடர்ந்து, திருவொற்றியூர் நீதிமன்றத்தில் வழக்கு நடைபெற்று வந்தது. இந்நிலையில், வழக்கு வெள்ளிக்கிழமை விசாரணைக்கு வந்தது.
     இதில் திருவொற்றியூர் நீதிமன்ற நீதிபதி பிரேமா, குற்றம் சாட்டப்பட்ட தாமோதரன், அவரது தாயார் சுலோச்சனா, சகோதரி நிர்மலா ஆகிய 3 பேருக்கும் தலா 2 ஆண்டுகள் சிறைத் தண்டனை விதித்து தீர்ப்பளித்தார்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai