சுடச்சுட

    

    திருவள்ளூர் மாவட்டம், பொன்னேரி அருகே ஏரி மதகை சேதப்படுத்திய நபரை போலீஸார் கைது செய்தனர். 
    பொன்னேரி வட்டத்தில் அமைந்துள்ளது கூடுவாஞ்சேரி ஏரி. இந்த ஏரியில் தேக்கி வைக்கப்படும் நீர் மூலம், பெரியகாவனம், கனகவல்லிபுரம், கூடுவாஞ்சேரி பகுதிகளில் உள்ள ஆயிரத்துக்கும் மேற்பட்ட ஏக்கர் விவசாய நிலம் பாசன வசதி பெற்று வருகின்றன. பொன்னேரியில் பொதுப்பணித்துறையினரின் கட்டுப்பாட்டில் இந்த ஏரி அமைந்துள்ளது.ஏரியில் நீர் நிரம்பும்போது பாசனத்துக்கான நீரினை பொதுப்பணித்துறையினர் மதகு மூலம் திறந்து விடுவர். 
    பொன்னேரி பகுதியில் நவம்பர் முதல் வாரத்தில் பெய்த கன மழையால் கூடுவாஞ்சேரி ஏரி நிரம்பியதால், அருகில் உள்ள விவசாய நிலங்களில் பயிரிடப்பட்டிருந்த பயிர்கள் நீரில் மூழ்கியது. இதன் காரணமாக பெரியாகவனம் கிராமத்தை சேர்ந்த சிலர் மதகினை சேதப்படுத்தி நீரை வெளியேற்றிதாக கூறப்படுகிறது. இதனால் பாசனத்துக்கு தேக்கி வைக்கப்பட்ட நீர் வெளியேறி வீணாகியது. 
    இது குறித்து தகவல் அறிந்த பொன்னேரி கோட்ட பொதுப்பணித்துறை அதிகாரிகள் அங்கு சென்று பார்வையிட்டு சேதமடைந்த மதகினை சீரமைத்தனர். பின்னர், பொதுப்பணித்துறை உதவி செயற்பொறியாளர் ஜெயகுரு பொன்னேரி காவல் நிலையத்தில் இதுகுறித்து புகார் அளித்தார். பொன்னேரி போலீஸார் ஏரி மதகை சேதப்படுத்திய பெரியகாவனம் கிராமத்தைச் சேர்ந்த கோவிந்தராஜை (40) கைது செய்தனர். இதில் தொடர்புடைய மேலும் சிலரை போலீஸார் தேடி வருகின்றனர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai