சுடச்சுட

    
    student

    உலக குழந்தைகள் தினத்தையொட்டி அரசுப் பள்ளி மாணவர்களுக்கு இலவசமாக கொசு வலைகள் வழங்கப்பட்டன. 
    திருத்தணி ஒன்றியம், பெரியகடம்பூர் ஊராட்சி ஒன்றிய தொடக்கப் பள்ளியில், டெங்கு கொசு உள்பட அனைத்து கொசுக்கடி நோய் குறித்து விழிப்புணர்வு முகாம் செவ்வாய்க்கிழமை நடைபெற்றது. பள்ளித் தலைமை ஆசிரியர் ஞானசேகரன் தலைமை வகித்தார். ஆசிரியர் கோகுல்ராஜ் 
    வரவேற்றார். இந்நிகழ்வில் மருத்துவர் அருண்குமார் கலந்து கொண்டு, கொசுக்கடியில் இருந்து எவ்வாறு தப்பிப்பது, கொசுக்களால் பரவும் நோய்கள் குறித்தும் விளக்கினர். மேலும், டெங்கு காய்ச்சல் வராமல் தடுப்பதற்கு செய்ய வேண்டிய பணிகள் மற்றும் முன்னேற்பாடுகள் குறித்தும் மாணவர்களிடம் எடுத்துக் கூறி விழிப்புணர்வு ஏற்படுத்தினார்.
    தொடர்ந்து, கிருஷ்ணகிரி மாவட்டத்தைச் சேர்ந்த உளூர் சமூக சேவகர் கணேஷ், 23 மாணவ, மாணவியருக்கு கொசு வலைகள் வழங்கினார். நிகழ்ச்சியில், அரசுப் பள்ளி தலைமை ஆசிரியர்கள் எழிலரசு, சுரேஷ்பாபு, அனைவருக்கும் கல்வி இயக்கம் (திருத்தணி கிளை) ஆசிரியர் பயிற்றுநர் சரவணன், மாணவர்களின் பெற்றோர் உள்ளிட்டோர் பங்கேற்றனர்.


     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai