சுடச்சுட

    
    tirunintravur

    திருநின்றவூரில் 30 ஆண்டுகளுக்கும் மேலாக வசித்து வரும் குடியிருப்புகளை அகற்றாமல், பட்டா வழங்க வேண்டும் என அரசுக்கு அப்பகுதி மக்கள் கோரிக்கை விடுத்துள்ளனர். 
    திருநின்றவூர் பேரூராட்சியில் கடந்த 30 ஆண்டுகளுக்கும் மேலாக 400 -க்கும் மேற்பட்டோர் வசித்து வருகின்றனர். இவர்களின் குழந்தைகள் வீடுகளுக்கு அருகில் உள்ள பள்ளி, கல்லூரியில் தங்கள் குழந்தைகளை சேர்த்து கல்வி பயின்று வருகின்றனர். 
    அதேபோல், குடியிருப்புகள் அருகே தனியார் நிறுவனங்களில் இப்பகுதியினர் பணியாற்றி வருகின்றனர். 
    இந் நிலையில் குடிசை மாற்று வாரியம் அருகில் இருக்கும் வீடுகளை அகற்ற அரசும், அதிகாரிகளும் தொடர்ந்து வலியுறுத்தி வருகின்றனர்.
    இதனால் திருநின்றவூர் பேரூராட்சிக்கு உள்பட்ட 9, 12, 13-ஆகிய வார்டுகளில் உள்ள முத்தமிழ் நகரில் 20, பெரியார் நகரில் 70, முத்துமாரியம்மன் கோயில் தெரு, எம்.ஜி.ஆர் தெரு ஆகியவற்றில் 130, கொசவன்பாளையம் ஊராட்சியில் கொட்டாமேடு புதிய லட்சுமிபதி நகரில் 110 என மொத்தம் 330 வீடுகள் வரை அகற்ற பொதுப்பணி துறை சார்பில் நோட்டீஸ் வழங்கப்பட்டது. மேலும் கடந்த செப்டம்பர் 23-ஆம் தேதி மீண்டும் நோட்டீஸ் வழங்கியதோடு, அடுத்து வரும் 21 நாள்களில் வீடுகளை காலி செய்யவில்லை என்றால் தாங்களே அகற்றிவிட்டு அதற்கான செலவு தொகையையும் உங்களிடமே வசூலிப்போம் என பொதுப்பணித் துறையினர் எச்சரித்துள்ளனர். 
    அதனால், திருநின்றவூர் பெரிய ஏரிக்கோ அல்லது மற்ற நீர்நிலைக்கோ பாதிப்பின்றி ஒதுக்குப்புறமாக வாழ்ந்து வருகிறோம். 30 ஆண்டுகளாக மின் இணைப்பு, குடிநீர் இணைப்பு மற்றும் குடும்ப அட்டை, வாக்காளர் அடையாள அட்டை போன்றவற்றுடன் வசித்து வரும் தங்களுக்கு அரசு சார்பில் குடிமனைப்பட்டா வழங்கி வாழ்வாதாரம் காக்க வேண்டும் என பொதுமக்கள் கோரிக்கை விடுத்துள்ளனர்.
     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai