Enable Javscript for better performance
உள்ளாட்சித் தேர்தலுக்கான வாக்குச்சாவடி பட்டியல் பொதுமக்கள் பார்வைக்கு வைப்பு- Dinamani



    உள்ளாட்சித் தேர்தலுக்கான வாக்குச்சாவடி பட்டியல் பொதுமக்கள் பார்வைக்கு வைப்பு

    By DIN  |   Published on : 24th April 2019 11:47 PM  |   அ+அ அ-   |    |  

    திருவள்ளூர் மாவட்டத்தில் உள்ளாட்சித் தேர்தலுக்கான வரைவு வாக்குச் சாவடி பட்டியல், அந்தந்த உள்ளாட்சி அமைப்புகளில் பொதுமக்களின் பார்வைக்கு வைக்கப்பட்டுள்ளதாகவும், இதன் மீதான மறுப்புரை மற்றும் கருத்துரையைத் தெரிவிக்க விரும்புவோர் வரும் 30-ஆம் தேதிக்குள் தெரிவிக்கலாம் என ஆட்சியர் மகேஸ்வரி ரவிகுமார் தெரிவித்துள்ளார். 
    இதுகுறித்து அவர் வெளியிட்டுள்ள செய்திக் குறிப்பு:
    திருவள்ளூர் மாவட்டத்தில் நடைபெறவிருக்கும் உள்ளாட்சித் தேர்தலையொட்டி, அதற்கான வாக்குகளைப் பதிவு செய்வதற்காக உள்ளாட்சி அமைப்புகளில் வாக்குச்சாவடி மையங்கள் அமைக்கப்பட உள்ளன. அதாவது, கிராம ஊராட்சிகள், பேரூராட்சிகள், மூன்றாம் நிலை நகராட்சிகள் மற்றும் நகராட்சிகளில் ஒவ்வொரு வார்டுகள் வாரியாக வாக்குச் சாவடிகள் அமைக்கப்பட உள்ளன. இதற்கான வரைவு வாக்குச்சாவடிகள் அடங்கிய பட்டியல் மாவட்ட ஆட்சியர் அலுவலகம் (வளர்ச்சி பிரிவு), மாவட்ட ஊராட்சி அலுவலகம், ஊராட்சி ஒன்றிய அலுவலகம், கிராம ஊராட்சி அலுவலகங்கள், பேரூராட்சி அலுவலகங்கள், நகராட்சி அலுவலகங்கள் மற்றும் மூன்றாம் நிலை நகராட்சி ஆகிய அலுவலகங்களில் பொது மக்களின் பார்வைக்கு வைக்கப்பட்டுள்ளன.
    எனவே இந்த வரைவு வாக்குச்சாவடி பட்டியல்கள் மீதான மறுப்புரை அல்லது கருத்துரை ஏதும் தெரிவிக்கவும் வாய்ப்பு அளிக்கப்பட்டுள்ளது. அந்த வகையில், பொது மக்கள் அந்தந்த நகராட்சி அலுவலகம், பேரூராட்சி அலுவலகம் மற்றும் ஊராட்சி ஒன்றிய அலுவலகங்களில் வரும் 30-ஆம் தேதிக்குள் எழுத்து மூலமாக கருத்துகளைத் தெரிவிக்கலாம்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp