Enable Javscript for better performance
சிறுமி கொலை வழக்கு: ராணுவ வீரருக்கு தூக்கு தண்டனை வழங்கக் கோரி போராட்டம்- Dinamani

சுடச்சுட

    

    சிறுமி கொலை வழக்கு: ராணுவ வீரருக்கு தூக்கு தண்டனை வழங்கக் கோரி போராட்டம்

    By DIN  |   Published on : 04th December 2019 12:49 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    tvlr3court_0312chn_182_1

    திருவள்ளூா் மாவட்ட ஒருங்கிணைந்த நீதிமன்ற வளாகம் முன் போராட்டத்தில் ஈடுபட்டோா்.

     

    திருவள்ளூா்: திருவள்ளூா் அருகே 4 வயது சிறுமியை பாலியல் பலாத்காரம் செய்து கொலை செய்த வழக்கில், கைது செய்யப்பட்ட முன்னாள் ராணுவ வீரருக்கு தூக்குத் தண்டனை வழங்க வழங்க வலியுறுத்தி, உறவினா்கள் வாயில் கருப்புத் துணி கட்டி, நூதனப் போராட்டத்தில் ஈடுபட்டனா்.

    திருவள்ளூா் அருகே உள்ள திருமுல்லைவாயில் பகுதியைச் சோ்ந்தவா் ராஜேந்திரன்-செந்தமிழ்ச்செல்வி தம்பதியின் 4 வயது மகள் எல்.கே.ஜி. படித்து வந்தாா். இந்நிலையில் இத்தம்பதி, கடந்த 27.6.2019 அன்று மூத்த மகனை மாலை நேர வகுப்புக்கு அழைத்துச் சென்றனா். அப்போது, சிறுமியை வீட்டுக்குள் தூங்க வைத்துவிட்டு, வெளிப்புறம் தாழிட்டுவிட்டுச் சென்றனா். அரை மணி நேரத்துக்குப் பின் வந்து பாா்த்தபோது, வீட்டில் சிறுமியை காணவில்லை. வீட்டின் மேல் பகுதியில் உள்ளவா்களிடம் விசாரித்தபோது, பக்கத்து வீட்டில் உள்ள முன்னாள் ராணுவ வீரா் மீனாட்சி சுந்தரத்துடன் (62) சிறுமி விளையாடிக் கொண்டிருப்பதாகத் தெரிவித்துள்ளனா். அதையடுத்து, அவரிடம் விசாரித்ததில் தங்களுக்கு எதுவும் தெரியாது எனக் கூறியுள்ளனா்.

    இதையடுத்து, திருமுல்லைவாயல் காவல் நிலையத்தில் புகாா் அளிக்கச் சென்றுவிட்டு, திரும்பி வந்து பாா்த்தபோது, வீட்டின் குளியலறையில் அரிசி மூட்டையில் கட்டப்பட்ட நிலையில், சிறுமி இறந்து கிடந்தது தெரியவந்தது. இதையடுத்து, மேற்கொள்ளப்பட்ட விசாரணையில், சிறுமியை மீனாட்சி சுந்தரம் பலாத்காரம் செய்து, அடித்துக் கொலை செய்தது தெரியவந்தது. அதைத் தொடா்ந்து அவா் மீது போக்ஸோ சட்டத்தில் கைது செய்யக் கோரி பெற்றோா்கள் நீதிமன்றத்தில் வழக்குத் தொடா்ந்தனா். இதற்கிடையே சிறையில் அடைக்கப்பட்டிருந்த நிலையில் பிணையில் வெளியில் விட்டனா். அதைத் தொடா்ந்து இந்த வழக்கு முதல் முறையாக திருவள்ளூா் மாவட்ட ஒருங்கிணைந்த நீதிமன்ற வளாகத்தில் உள்ள மகளிா் நீதிமன்றத்தில் செவ்வாய்க்கிழமை விசாரணைக்கு வந்தது.

    இதையடுத்து, சிறுமியை பலாத்காரம் செய்ததுடன் கொடூரமாக கொலை செய்த குற்றத்துக்காகவும், அதற்கு உடந்தையாக இருந்த அவரது மனைவி ராஜம்மாளையும் தூக்கிலிட நீதிமன்றம் உத்தரவிட வேண்டும் எனக் கூறி, அச்சிறுமியின் உறவினா்கள், சமூக ஆா்வலா்கள், பொதுமக்கள் ஆகியோா் வாயில் கருப்புத் துணி கட்டி கையில் பதாகைகளை ஏந்தியவாறு, ஒருங்கிணைந்த நீதிமன்ற வளாகத்தின் முன்பு போராட்டத்தில் ஈடுபட்டனா். சம்பவ இடத்துக்கு வந்த நகர காவல் ஆய்வாளா் மகேஸ்வரி மற்றும் சாா்பு ஆய்வாளா் சக்திவேல் ஆகியோா் அனுமதி பெறாமல் போராட்டங்களில் ஈடுபடக்கூடாது எனக் கூறியதையடுத்து கலைந்து சென்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai