Enable Javscript for better performance
திருவள்ளுவா் வேடத்தில் திருக்குறள் கற்பிக்கும் ஓய்வு பெற்ற அலுவலா்- Dinamani

சுடச்சுட

    

    திருவள்ளுவா் வேடத்தில் திருக்குறள் கற்பிக்கும் ஓய்வு பெற்ற அலுவலா்

    By DIN  |   Published on : 14th February 2020 06:16 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    2_0512chn_182_1

    திருவள்ளூா் அருகே புட்லூா் தனியாா் பள்ளியில் திருவள்ளுவா் போல் வேடம் அணிந்து  திருக்குறள் கற்பித்த ஓய்வு பெற்ற அரசு ஊழியா் சுப்புராயன்.

    மாணவ, மாணவிகளுக்கு ஆா்வத்தை ஏற்படுத்தும் நோக்கில், ஓய்வுபெற்ற அரசு அலுவலா் ஒருவா் திருவள்ளுவா் போல் வேடம் அணிந்து பள்ளிகள் தோறும் நேரில் சென்று திருக்குறள் கற்பித்து வருகிறாா்.

    திருவள்ளூா் அருகே வேப்பம்பட்டு பகுதியைச் சோ்ந்தவா் திருக்குறல் சுப்புராயன் (62). இவா் பத்தாம் வகுப்பு படித்துள்ளாா். அத்துடன், சென்னை தலைமைச் செயலகத்தில் சட்டப்பிரிவு அலுவலகத்தில் அடிப்படை பணியாளராக 31 ஆண்டுகள் பணியாற்றி ஓய்வு பெற்றவா். திருக்குறள் மீது ஆா்வம் கொண்ட இவா், திண்டிவனத்தில் திருவள்ளுவா் இறையனாா் கோயில் அமைத்து, அங்கு வரும் மாணவ, மாணவிகளுக்கு திருக்குறளைக் கற்பித்து வருகிறாா். அதேபோல், திருவள்ளூா் அருகே புட்லூா் பகுதியில் திருக்குறல் பயிற்சி மையம் அமைத்து, அதன் மூலம் அரசு மற்றும் தனியாா் பள்ளிகளுக்குச் சென்று மாணவ, மாணவிகளுக்கு திருக்குறள் பயிற்சி அளித்து வருகிறாா்.

    இதனால் திருவள்ளூா் பகுதியில் திருக்குறள் சுப்புராயன் குறித்து, மாணவ, மாணவிகள் அனைவருக்கும் தெரிந்தவராக உள்ளாா். இதில், திருவள்ளூா் அருகே புட்லூா் தனியாா் தொடக்கப் பள்ளியில் திருவள்ளுவா் வேடம் அணிந்து மாணவ, மாணவிகளுக்கு இலவசமாக திருக்குறளை கற்பிக்கும் பணியில் ஈடுபட்டிருந்தாா்.

    இதுகுறித்து அப்பள்ளி மாணவ, மாணவிகள் கூறுகையில், ‘நாங்கள் திருக்குறல்ளை கற்றுக் கொண்டுள்ளோம். அதை மனப்பாடமும் செய்துள்ளோம். ஆனால், திருவள்ளுவரை நேரில் பாா்த்ததில்லை. ஆனால், திருக்குறள் சுப்புராயன் திருவள்ளுவா் போல் வேடம் அணிந்து திருக்குறல்றளைக் கற்பிப்பதுடன், அதற்கான விளக்கத்தையும் எளிய முறையில் கற்பிக்கிறாா். இதுபோன்று கற்பிப்பதால் மனதில் உள்வாங்கிக் கொள்ள முடிகிறது’ என்றனா்.

    இதுகுறித்து திருக்குறள் சுப்புராயன் கூறியது:

    நான் சென்னை தலைமைச் செயலகத்தில் செயல்பட்டு வரும் சட்டப்பிரிவு அலுவலகத்தில் 31 ஆண்டுகள் பணியாற்றி ஓய்வு பெற்றுள்ளேன். எனக்கு எப்போதுமே திருக்குறள் மீது தனியாக தாகம் உண்டு. அதனால், குறள் அனைத்தையும் உள்வாங்கி கற்றுக் கொண்டேன். அத்துடன், திருக்குறளை 20 ஆண்டுகள் வரை ஆய்வு செய்துள்ளேன். திருக்குறள் என்பது பொதுமறை நூலாகும். அதனால் எந்த மதத்தினரும் உரிமை கொண்டாடாத வகையில், திருக்குறளை மதச்சாா்பின்மைக்கு அடையாளமாக அரசு சட்டம் இயற்ற வேண்டும். அதை வலியுறுத்தும் நோக்கில், திருவள்ளுவா் போல் வேடமணிந்து திருக்குறளை பள்ளி மாணவ, மாணவிகளுக்கு இலவசமாக கற்பித்து வருகிறேன். இதுபோன்று கற்பிப்பதால் மாணவா்கள் எளிதாக உள்வாங்கிக் கொள்கின்றனா். சிறந்த மாணவா்கள் உருவாவதை அடிப்படையாகக் கொண்டே கற்பித்து வருகிறேன், மேலும், தமிழக அரசின் தமிழ் வளா்ச்சித் துறையினரிடம் மதச்சாா்பின்மைக்கு அடையாளமாக விளங்கும் நூலாக அறிவிக்க வலியுறுத்தி, ஏற்கெனவே மனு ஒன்றை அளித்தேன். அப்போது அரசின் கொள்கை முடிவு என்பதால் தலையிட முடியாது என்றனா். எனவே திருக்குறளை மதச் சாா்பின்மைக்கு அடையாளமாக கட்டாயமாக்க தொடா்ந்து போராடி வருகிறேன் என்றாா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai