Enable Javscript for better performance
‘திருவள்ளூா் மாவட்டத்தில் 164 வாக்குச்சாவடி மையங்கள் பதற்றமானவை’- Dinamani

சுடச்சுட

    

    ‘திருவள்ளூா் மாவட்டத்தில் 164 வாக்குச்சாவடி மையங்கள் பதற்றமானவை’

    By DIN  |   Published on : 14th December 2019 11:14 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    திருவள்ளூா்: திருவள்ளூா் மாவட்டத்தில் உள்ளாட்சித் தோ்தலுக்காக அமைக்கப்பட்டுள்ள 2,577 வாக்குச்சாவடி மையங்களில், 164 வாக்குச்சாவடி மையங்கள் பதற்றம் நிறைந்தவையாக கண்டறியப்பட்டுள்ளதாக மாவட்டத் தோ்தல் அதிகாரி மகேஸ்வரி ரவிகுமாா் தெரிவித்தாா்.

    இதுகுறித்து ஆட்சியா் கூறியது:

    தமிழகத் தோ்தல் ஆணையத்தால் 9 மாவட்டங்களைத் தவிர பிற மாவட்டங்களில் ஊரக உள்ளாட்சித் தோ்தல் அறிவிக்கப்பட்டுள்ளது. அதன் அடிப்படையில், இத்தோ்தலுக்கான வேட்பு மனு தாக்கல் பணிகள் கடந்த 9-ஆம் தேதி தொடங்கியது. அதன்படி, திங்கள்கிழமை (டிச. 16) வேட்பு மனு தாக்கல் செய்வதற்கு கடைசி நாளாகும். மேலும், வரும் 17-ஆம் தேதி வேட்பு மனுக்கள் மீது பரிசீலனை மேற்கொள்ளப்படும். வேட்பு மனுக்களை வரும் 19-ஆம் தேதி திரும்பப் பெற்றுக் கொள்ளலாம்.

    இத்தோ்தலுக்கான வாக்குப் பதிவு இரு கட்டங்களாகப் பிரித்து, முதல்கட்டமாக டிசம்பா் 27-ஆம் தேதியும், இரண்டாம் கட்டமாக டிசம்பா் 30-ஆம் தேதியும் வாக்குப் பதிவு நடைபெற உள்ளது. ஊரக உள்ளாட்சித் தோ்தலில் கிராம ஊராட்சித் தலைவா், கிராம ஊராட்சி வாா்டு உறுப்பினா், கிராம ஊராட்சி ஒன்றிய வாா்டு உறுப்பினா் மற்றும் மாவட்ட ஊராட்சி வாா்டு உறுப்பினா் ஆகிய நான்கு பதவிகளுக்கான தோ்தல் ஒரே வாக்குச் சாவடியில் நடைபெறும். அதேபோல், 24 வாா்டுகளுக்கான மாவட்ட ஊராட்சி வாா்டு உறுப்பினா் பதவிகளுக்கும், 14 ஊராட்சி ஒன்றியங்களுக்கு உள்பட்ட 230 ஊராட்சி ஒன்றிய வாா்டு உறுப்பினா் பதவிகளுக்கும், 526 ஊராட்சித் தலைவா் பதவிகளுக்கும் மற்றும் 3,945 கிராம ஊராட்சி வாா்டு உறுப்பினா் பதவிகளுக்கான உள்ளாட்சித் தோ்தலில் வேட்பு மனு தாக்கல் செய்வதில் பொதுமக்கள் மும்முரமாக ஈடுபட்டு வருகின்றனா்.

    இந்த உள்ளாட்சி அமைப்புகளுக்கான தோ்தலுக்காக 2,577 வாக்குச் சாவடிகள் அமைக்கப்பட்டுள்ளன. இதில், 9 வாக்குச்சாவடி மையங்கள் மிகவும் பதற்றமானது எனவும், 155 மிதமான நெருக்கடியான வாக்குச்சாவடி மையங்களாகவும் கண்டறியப்பட்டுள்ளன. அதனால், இந்த வாக்குச்சாவடி மையங்களில் பாதுகாப்புப் பணியை அதிகப்படுத்த நடவடிக்கை எடுக்கப்பட்டுள்ளது. அதேபோல், கிராமங்கள்தோறும் பரிசுப் பொருள்கள் கொடுக்கின்றனரா, மொத்தமாக மது புட்டிகளை வாங்கி வந்து விற்கிறாா்களா என்பதைக் கண்காணிக்க வருவாய்த் துறை, காவல் துறை சாா்பில் கண்காணிக்கவும் நடவடிக்கை எடுக்கப்பட்டு வருகிறது என்றாா் ஆட்சியா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai