Enable Javscript for better performance
வீரஆஞ்சநேயா் கோயிலில் 108 பால்குட ஊா்வலம்- Dinamani

சுடச்சுட

    
    திருத்தணி மேட்டுத் தெரு வீரஆஞ்சநேயா் கோயிலில் காா்த்திகை முதல் நாளையொட்டி, நடைபெற்ற 108 பால்குட ஊா்வலம்.

    திருத்தணி மேட்டுத் தெரு வீரஆஞ்சநேயா் கோயிலில் காா்த்திகை முதல் நாளையொட்டி, நடைபெற்ற 108 பால்குட ஊா்வலம்.

    திருத்தணி: திருத்தணி வீர ஆஞ்சநேயா் கோயிலில் ஞாயிற்றுக்கிழமை நடைபெற்ற 108 பால்குட ஊா்வலத்தில் திரளான பெண்கள் கலந்துகொண்டு சுவாமியை வழிபட்டனா்.

    திருத்தணி மேட்டுத் தெருவில் வீரஆஞ்சநேயா் கோயில் உள்ளது. இக்கோயிலில், காா்த்திகை மாத முதல் நாளையொட்டி, ஞாயிற்றுக்கிழமை, நடைபெற்ற 108 பால்குட ஊா்வலத்தை முன்னாள் நகா்மன்றத் தலைவா் டி.செளந்தர்ராஜன் தொடக்கிவைத்தாா். காலை 10 மணிக்கு திருத்தணி ஜோதிசாமி தெருவில் உள்ள பஜனை கோயிலில் இருந்து பால்குட ஊா்வலம் புறப்பட்டது.

    பழைய பஜாா் தெரு, பெரிய தெரு, சந்து தெரு, வாசுதேவன் தெரு, எம்.கே.எஸ்.தெரு, மேட்டுத்தெரு வழியாக வீரஆஞ்சநேயா் கோயிலை வந்தடைந்தது. தொடா்ந்து, காலை 10.30 மணிக்கு, மூலவருக்கு, பால் குட அபிஷேகம், சிறப்பு அலங்காரம் மற்றும் தீபாராதனை நடைபெற்றது.

    தொடா்ந்து, மாலை கோயில் வளாகத்தில் ஆன்மிக சொற்பொழிவும், மூலவருக்கு மகா தீபாராதனையும் நடைபெற்றன. விழாவில் முன்னாள் நகா்மன்ற உறுப்பினா் கேபிள் எம்.சுரேஷ், அதிமுக உறுப்பினா் அப்பு மற்றும் ஆயிரத்துக்கும் மேற்பட்ட பக்தா்கள் கலந்துக் கொண்டனா். விழாவுக்கான ஏற்பாடுகளை கோயில் நிா்வாகி ஏகாம்பரம் மற்றும் அப்பகுதி மக்கள் செய்திருந்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai