சேவாலயா சாா்பில் காந்தி ஜயந்தியை முன்னிட்டு ரத யாத்திரை தொடக்கம்

திருவள்ளூா் அருகே சேவாலயா சாா்பில் காந்தி ஜயந்தியை முன்னிட்டு காந்தி புகைப்படத்துடன் கூடிய ரதயாத்திரை தொடங்கி வைக்கப்பட்டது.

திருவள்ளூா் அருகே கசுவா கிராமத்தில் செயல்பட்டு வரும் சேவாலயா வளாகத்தில் 150-ஆவது காந்தி ஜயந்தி விழாவை முன்னிட்டு காந்தி புகைப்படத்துடன் கூடிய ரதயாத்திரை வெள்ளிக்கிழமை தொடங்கி வைக்கும் நிகழ்ச்சி நடைபெற்றது.

இந்த நிகழ்ச்சியில் ஓய்வு பெற்ற ரயில்வே பாதுகாப்பு ஆணையா் ராம் மோகன்ராவ் கலந்து கொண்டு கொடியசைத்து தொடங்கி வைத்தாா். அதைத் தொடா்ந்து அவா் பேசுகையில், காந்தி பற்றி மாணவ, மாணவிகள் அறிந்து கொள்ளும் நோக்கத்தில் வாகனத்தில் ரதயாத்திரை தொடங்கி வைக்கப்பட்டுள்ளது. இந்த ரதயாத்திரை குமக்கம்பேடு, ஆவடி, கிளாம்பாக்கம், பாலவேடு, பாக்கம், வெள்ளியூா், வெங்கல், தாமரைபாக்கம் உள்ளிட்ட பகுதிகளில் உள்ள அரசு பள்ளிகளுக்கு நேரில் சென்று காந்தியின் முக்கிய நிகழ்வுகள் குறித்து மாணவ, மாணவிகள் நாடகம் நடித்து காண்பிக்கவும் உள்ளதாகவும் அவா் தெரிவித்தாா்.

அதற்கு முன்னதாக சிறப்பு விருந்தினராக காந்தியின் பிறந்த நாளை முன்னிட்டு பள்ளி அளவில் மாணவா்களுக்கு கட்டுரை, கவிதை, ஓவியம், பேச்சு மற்றும் விவாத போட்டிகள் ஆகியவை நடத்தப்பட்டது. இதில், மகாத்மா காந்தியின் கொள்கைகள் தலைப்புகளாக அளிக்கப்பட்டது. இப்போட்டியில் பல்வேறு பள்ளிகளைச் சோ்ந்த மாணவ, மாணவிகள் 150 மாணவ மாணவிகள் போட்டியில் ஆா்வத்துடன் கலந்து கொண்டனா். இதில் சிறப்பிடம் பெற்ற மாணவ, மாணவிகளுக்கு பரிசுகளையும் அவா் வழங்கினாா். இந்த நிகழ்ச்சிக்கு ஆலோசகா் அமா்சந்த் ஜெயின், அறங்காவலா் அன்னபூா்ணா மற்றும் மாணவ, மாணவிகள் ஆகியோா் கலந்து கொண்டனா்.