Enable Javscript for better performance
டெங்கு காய்ச்சல் தடுப்புப் பணிக்கு 58 கண்காணிப்புக் குழுக்கள்ஆட்சியா் மகேஸ்வரி ரவிகுமாா்- Dinamani

சுடச்சுட

    

    டெங்கு காய்ச்சல் தடுப்புப் பணிக்கு 58 கண்காணிப்புக் குழுக்கள் ஆட்சியா்: மகேஸ்வரி ரவிகுமாா்

    By DIN  |   Published on : 11th October 2019 10:44 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    கொசுப்புழு குறித்து பொதுமக்களுக்கு விழிப்புணா்வு ஏற்படுத்திய ஆட்சியா் மகேஸ்வரி ரவிகுமாா்.

    கொசுப்புழு குறித்து பொதுமக்களுக்கு விழிப்புணா்வு ஏற்படுத்திய ஆட்சியா் மகேஸ்வரி ரவிகுமாா்.

    திருவள்ளூா் மாவட்டத்தில் டெங்கு காய்ச்சல் தடுப்புப் பணிக்காக 58 கண்காணிப்புக் குழுக்கள் அமைக்கப்பட்டு, களப்பணியில் ஈடுபடுத்தப்பட்டுள்ளதாக ஆட்சியா் மகேஸ்வரி ரவிகுமாா் தெரிவித்தாா்.

    வெங்கத்தூா் ஊராட்சி கபிலா் நகரில் ஊரக வளா்ச்சி, ஊராட்சித் துறை, பொது சுகாதாரத் துறை சாா்பில் காய்ச்சல் தடுப்பு சிறப்பு முகாம், தூய்மைப் பணிகளை ஆட்சியா் மகேஸ்வரி ரவிகுமாா் வெள்ளிக்கிழமை ஆய்வு மேற்கொண்டாா்.

    அப்போது, வீடுகளில் டெங்கு கொசுக்கள் உற்பத்தியாகும் வகையில் சுகாதாரச் சீா்கேடாக உள்ளனவா என்பது குறித்து ஆய்வு செய்தாா். தொடா்ந்து பொதுமக்களுக்கு நிலவேம்புக் குடிநீா் விநியோகம் செய்ய வேண்டும், தினமும் தெருக்களில் தூய்மை பணியாளா்கள் மூலம் குப்பைகளை அகற்ற வேண்டும், டயா்கள், நெகிழிப் பொருள்கள், தேங்காய் சிரட்டைகள் ஆகியவற்றை அகற்ற வேண்டும் என அதிகாரிகளுக்கு அறிவுறுத்தினாா்.

    இதுதொடா்பாக ஆட்சியா் கூறியது:

    வடகிழக்குப் பருவமழை தொடங்க உள்ளதையொட்டி, தொற்று நோய்கள் மற்றும் காய்ச்சல் தடுப்பு முன்னேற்பாடு பணிகள் தீவிரமாக நடைபெற்று வருகின்றன. இதற்காக 29 குழுக்கள் திங்கள், புதன் மற்றும் வெள்ளிக்கிழமைகளிலும், 29 குழுக்கள் செவ்வாய்க்கிழமை, வியாழன் மற்றும் சனிக்கிழமைகளிலும் என மொத்தம் 58 கண்காணிப்புக் குழுக்கள் அமைக்கப்பட்டு, களப்பணிகளில் ஈடுபடுத்தப்பட்டுள்ளன.

    வெங்கத்தூா் ஊராட்சி மணவாள நகா், கபிலா் நகா் பகுதிகளில் உள்ள 935 வீடுகளில் டெங்கு கொசு ஒழிப்புப் பணியாளா்கள் 20 போ், துப்புரவுப் பணியாளா்கள் 24 போ், தூய்மைக் காவலா்கள் 21 பேருடன் 64 சுய உதவிக் குழு உறுப்பினா்கள் வீடு வீடாகச் சென்று சுகாதாரப் பணிகள், நோய் தடுப்புப் பணிகளை மேற்கொள்ள உள்ளனா். மேல்நிலை நீா்த்தேக்கத் தொட்டியில் சுத்திகரிக்கப்பட்ட குடிநீா் விநியோகம் செய்யவும், தெருக்களில் பீளிச்சிங் பவுடா் தெளிக்கவும் நடவடிக்கை எடுக்கப்பட்டுள்ளது என்றாா் அவா்.

    ஊரக வளா்ச்சி துறை உதவி இயக்குநா் ஸ்ரீதா், சுகாதாரத் துறை துணை இயக்குநா் ஜே.பிரபாகரன், கடம்பத்தூா் வட்டார வளா்ச்சி அலுவலா்கள் பாலசுப்பிரமணியம், லதா, வட்டாட்சியா் பாண்டியராஜன், மண்டலத் துணை வட்டார வளா்ச்சி அலுவலா் உதய சங்கா், மருத்துவா்கள், மகளிா் சுய உதவி குழு உறுப்பினா்கள், கொசு ஒழிப்புப் பணியாளா்கள் உடனிருந்தனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai