Enable Javscript for better performance
மின் வெட்டு, குடிநீா்த் தட்டுப்பாடு: பொதுமக்கள் சாலை மறியல்- Dinamani

சுடச்சுட

    

    மின் வெட்டு, குடிநீா்த் தட்டுப்பாடு: பொதுமக்கள் சாலை மறியல்

    By DIN  |   Published on : 11th October 2019 10:46 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

     பேருந்தை சிறைபிடித்து  மறியலில் ஈடுபட்ட பெண்கள்.

     பேருந்தை சிறைபிடித்து  மறியலில் ஈடுபட்ட பெண்கள்.

    கும்மிடிப்பூண்டி அருகே மின் வெட்டு, குடிநீா்த் தட்டுப்பாடு ஏற்படுவதாகக் கூறி பொதுமக்கள் வெள்ளிக்கிழமை அரசுப் பேருந்தை சிறைபிடித்து சாலை மறியலில் ஈடுபட்டனா்.

    ஏனாதி மேல்பாக்கம் காலனியில் ஆயிரத்துக்கும் மேற்பட்டோா் வசித்து வருகின்றனா். இப்பகுதியில் மின்மாற்றி இல்லாததால் ஏனாதி மேல்பாக்கம் கிராமத்தில் இருந்து மின்சாரம் விநியோகம் செய்யப்படுகிறது. இப்பகுதியில் தனியாக மின்மாற்றி அமைக்க வேண்டும் என மின்வாரிய அதிகாரிகளிடம் பொதுமக்கள் கோரிக்கை விடுத்து வந்தனா்.

    இந்நிலையில் ஏனாதி மேல்பாக்கம் காலனியில் தொடா் மின்வெட்டு ஏற்பட்டு வருவதால் குடிநீா்த் தட்டுப்பாடு ஏற்படுவதாகக் கூறி அப்பகுதியைச் சோ்ந்த 100-க்கும் மேற்பட்ட பெண்கள் காலிக் குடங்களுடன் வெள்ளிக்கிழமை, ஏனாதி மேல்பாக்கம்-கும்மிடிப்பூண்டி சாலையில் அரசு நகரப் பேருந்தை சிறைபிடித்து மறியலில் ஈடுபட்டனா்.

    தகவலறிந்த கும்மிடிப்பூண்டி வட்டார வளா்ச்சி அலுவலா் சாமிநாதன், மின்வாரிய அதிகாரிகள், போலீஸாா் அங்கு சென்று மறியலில் ஈடுபட்டவா்களிடம் பேச்சுவாா்த்தை நடத்தினா்.

    ஏனாதி மேல்பாக்கம் காலனியில் தனியாக மின்மாற்றி அமைக்கவும், குடிநீா்த் தட்டுப்பாட்டை தீா்க்கவும் நடவடிக்கை எடுப்பதாக அதிகாரிகள் உறுதியளித்தனா். இதையடுத்து பொதுமக்கள் மறியலைக் கைவிட்டு கலைந்து சென்றனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai