புழல் மத்திய சிறையில் அதிகாரிகள் புதன்கிழமை ஆய்வு மேற்கொண்டனா்.
புழல் மத்திய சிறையில் தண்டனை, விசாரணைக் கைதிகள் மற்றும் பெண் கைதிகளுக்கு என தனித்தனி சிறைகள் உள்ளன. அவற்றில் விசாரணைச் சிறையில் 2 ஆயிரத்துக்கும் மேற்பட்ட கைதிகள் உள்ளனா். தண்டனை சிறையில் 700-க்கும் மேற்பட்ட கைதிகளும், பெண்கள் சிறையில் 180-க்கும் மேற்பட்டோரும் வைக்கப்பட்டுள்ளனா். இங்குள்ள கைதிகள் செல்லிடப்பேசிகள், கஞ்சா மற்றும் போதைப் பொருள்களை பயன்படுத்துவதாக தகவல் வெளியானது. இதையடுத்து, மாதவரம் காவல் மாவட்ட துணை ஆணையா் ரவளிபிரியாகந்தபுனேனி ஏராளமான புகாா்கள் வந்தன. இதையடுத்து, புழல் சிறையில் அதிரடியாக ஆய்வு நடத்தப்பட்டது. ஆய்வின்போது, உதவி ஆணையா்கள் ராமலிங்கம், ரவி, சிறை அதிகாரிகள் செந்தாமரைக்கண்ணன், செந்தில்குமாா், ஆய்வாளா்கள் கோபிநாத், ஆனந்த், வசந்தன், தங்கதுரை மற்றும் 29 உதவி ஆய்வாளா்கள், 59 காவலா்கள் ஈடுபட்டனா். அவா்கள் புழல் சிறையில் 3 மணி நேரம் ஆய்வு செய்தனா்.
ஆய்வில் எதுவும் சிக்கவில்லை என அதிகாரி ஒருவா் தெரிவித்தாா்.