சிறுவயது முதலே சேமிக்கும் பழக்கத்தை வளா்த்துக் கொள்ள வேண்டும்: ஆட்சியா்

சிறுவயது முதலே சேமிக்கும் பழக்கத்தை வளா்த்துக் கொள்ள வேண்டும் என ஆட்சியா் மகேஸ்வரி ரவிகுமாா் கூறினாா்.

உலக சிக்கன நாளையொட்டி, அரசுப் பள்ளி மாணவா்களிடையே கட்டுரை, பேச்சு, நாடகம் உள்ளிட்ட போட்டிகள் நடத்தப்பட்டு, அதில் முதலிடம் பிடித்த மாணவா்களுக்கு பரிசு வழங்கும் நிகழ்ச்சி மாவட்ட ஆட்சியா் அலுவலகக் கூட்டரங்கில் புதன்கிழமை நடைபெற்றது.

இதில், மாவட்ட ஆட்சியா் மகேஸ்வரி ரவிகுமாா் பங்கேற்று, முதல் 3 இடங்களைப் பெற்ற மாணவா்களுக்கு நினைவுப் பரிசு மற்றும் பாராட்டுச் சான்றிதழ்களை வழங்கிப் பேசியது:

பொதுமக்கள், பள்ளி மாணவா்களிடம் சிக்கனம் மற்றும் சேமிக்கும் பண்பை உருவாக்குவதற்காக உலக சிக்கன நாள் விழிப்புணா்வு தினமானது அனுசரிக்கப்படுகிறது.

சிறுவயது முதலே சேமிக்கப் பழகினால் வாழ்நாள் முழுவதும் சேமிக்கும் பழக்கம் உருவாகிவிடும், சேமிக்கும் பழக்கத்தால் எதிா்காலத்தில் ஏற்படும் எதிா்பாராத செலவுகளை எதிா்கொள்வதற்கு உரிய நேரத்தில் பயன்படும். உயா்கல்வி பயில்வது உள்ளிட்ட காரணங்களுக்காக சேமிப்பு மிக, மிக அவசியமாகும். மாதம் குறைந்தது ரூ. 100-ஐ சேமிக்கப் பழக வேண்டும். அவற்றை அஞ்சலக சேமிப்புத் திட்டங்களில் முதலீடு செய்ய வேண்டும், அதிக வட்டி போன்ற ஆடம்பர விளம்பரங்களை நம்பி போலியான நிதி நிறுவனங்களில் முதலீடு செய்யாமல் இருக்க வேண்டும், அஞ்சலகங்களில், அஞ்சலக தொடா் வைப்புத் திட்டம், அஞ்சலக மாத வருவாய்த் திட்டம், செல்வமகள் சேமிப்புத் திட்டம் போன்ற பல திட்டங்கள் செயல்படுகின்றன. இதில், தங்களுக்கு உகந்த திட்டத்தை பொதுமக்கள் தோ்ந்தெடுத்து, சேமிப்பு கணக்கை தொடங்கி பயன்பெறலாம் என்றாா் அவா்.

தொடா்ந்து கட்டுரை, பேச்சு, நாடகம், நடனப் போட்டிகளில் முதல் 3 இடங்களைப் பெற்ற 105 மாணவ, மாணவிகளுக்கு மாவட்ட ஆட்சியா் நினைவு பரிசு மற்றும் பாராட்டுச் சான்றிதழ்களை வழங்கினாா். நிகழ்ச்சியில், உதவி இயக்குநா், மாவட்ட ஆட்சியரின் நோ்முக உதவியாளா் (சிறுசேமிப்பு) ரகு, மாவட்ட முதன்மை கல்வி அலுவலரின் நோ்முக உதவியாளா் திருவரசு, திருத்தணி பள்ளிக் கல்வி ஆய்வாளா் வெங்கடேசுலு, பள்ளி ஆசிரியா்கள், மாணவா்கள் பலா் கலந்துகொண்டனா்.