Enable Javscript for better performance
‘அதிகாரிகள் செல்லிடப்பேசியை அணைத்து வைத்தால் கடும் நடவடிக்கை’- Dinamani

சுடச்சுட

    

    ‘அதிகாரிகள் செல்லிடப்பேசியை அணைத்து வைத்தால் கடும் நடவடிக்கை’

    By DIN  |   Published on : 31st October 2019 11:09 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

     ஆலோசனைக்  கூட்டத்தில்  பேசிய  பருவமழை மேலாண்மை கண்காணிப்பு  அலுவலா்  கருணாகரன்.

     ஆலோசனைக்  கூட்டத்தில்  பேசிய  பருவமழை மேலாண்மை கண்காணிப்பு  அலுவலா்  கருணாகரன்.

    பருவமழை காலம் முடியும் வரை அதிகாரிகள் செல்லிடப்பேசியை அணைத்து வைக்கக் கூடாது, மீறினால் கடும் நடவடிக்கை எடுக்கப்படும் என பருவமழை மேலாண்மை கண்காணிப்பு அலுவலா் எம்.கருணாகரன் எச்சரிக்கை விடுத்தாா்.

    பருவமழையால் ஏற்படும் பாதிப்புகளைத் தடுக்கும் வகையில், முன்னெச்சரிக்கை நடவடிக்கை குறித்த பேரிடா் மேலாண்மை ஆலோசனைக் கூட்டம் கும்மிடிப்பூண்டி வட்டாட்சியா் அலுவலகத்தில் வியாழக்கிழமை நடைபெற்றது.

    நிகழ்ச்சிக்கு, பொன்னேரி கோட்டாட்சியா் நந்தகுமாா் தலைமை வகித்தாா். வட்டாட்சியா் சுரேஷ்பாபு முன்னிலை வகித்தாா். கூட்டத்தில், சிறப்பு அழைப்பாளராகப் பங்கேற்ற பருவமழை மேலாண்மை கண்காணிப்பு அலுவலரும், தமிழக வேளாண் துறை இயக்குநருமான எம்.கருணாகரன் பேசியது:

    கும்மிடிப்பூண்டியில் பருவ மழை குறித்த முன்னெச்சரிக்கைப் பணிகளை மேற்கொள்ள 5 குழுக்கள் நியமிக்கப்பட்டுள்ளனா், ஒவ்வொரு குழுவிலும் உயா் அதிகாரிகள் 3 போ் மற்றும் 12 துறைகளைச் சோ்ந்த தலா ஒருவா் நியமிக்கப்பட்டுள்ளனா். இவா்களைத் தவிர இந்த 5 குழுக்களிலும் பணிபுரிய 57 ஆண், 58 பெண் முதல் நிலை தகவல் தன்னாா்வலா்கள் பணியாற்ற உள்ளனா். அனைத்துக் குழுவிலும் பங்கேற்கும் அதிகாரிகள் தங்கள் பொறுப்பை உணா்ந்து, பொதுமக்களைக் காப்பதில் முழு ஆா்வத்துடன் பங்கேற்க வேண்டும்.

    எளாவூா் மற்றும் மெதிப்பாளையம் பகுதியில் அமைக்கப்பட்டுள்ள பேரிடா் தங்கும் மையங்களில் மின்சார வசதி, குடிநீா் வசதி, கழிப்பறை வசதி சரியாக உள்ளதா என அதிகாரிகள் முன்னெச்சரிக்கையாக ஆய்வு செய்ய வேண்டும், அந்தந்த குழுவுக்கு ஒதுக்கப்பட்டுள்ள இடங்களுக்கு குழுவினா் சென்று 3 நாள்களுக்குள் அறிக்கையை சமா்ப்பிக்க வேண்டும், அதிகாரிகள் பருவமழைக் காலம் முடியும் வரை செல்லிடப்பேசியை அணைத்து வைக்கக் கூடாது, மீறுவோா் மீது ஒழுங்கு நடவடிக்கை எடுக்கப்படும், சுகாதாரத் துறையினா் அந்தந்த கிராமங்களைத் தொடா்ந்து கண்காணிக்க வேண்டும், மழைக்கால தொற்று நோய்கள் காணப்படும் பகுதிகளில் முகாம்களை நடத்த வேண்டும், மழைக்காலம் முடியும் வரை பொதுமக்களின் அழைப்புகளை ஏற்று, மின்வாரியத் துறையினா் பதிலளிக்க நடவடிக்கை எடுக்க வேண்டும் என்றாா்.

    மேலும் அவா் கூறுகையில், கும்மிடிப்பூண்டி வட்டாட்சியா் அலுவலகத்தில் 24 மணி நேரமும் இயங்கக்கூடிய கட்டுப்பாட்டு அறைக்கு 044-27921491 என்ற எண்ணில் பொதுமக்கள் மழை பாதிப்புகள் குறித்து தங்கள் புகாா்களைத் தெரிவிக்கலாம் என்றாா்.

    கூட்டத்தில், தனி வட்டாட்சியா் உமா, தலைமையிடத்து துணை வட்டாட்சியா் ஜெயராணி, மண்டலத் துணை வட்டாட்சியா் மாலினி, தோ்தல் பணி துணை வட்டாட்சியா் கண்ணன், நிலஎடுப்புத் திட்ட துணை வட்டாட்சியா் செந்தில்குமாா், நெடுஞ்சாலைத் துறை உதவிப் பொறியாளா் டில்லிபாபு, பொதுப்பணித் துறை உதவிப் பொறியாளா் சிவகுமாா், கும்மிடிப்பூண்டி வட்டார வளா்ச்சி அலுவலா் சாமிநாதன் மற்றும் பல துறை உயா் அதிகாரிகள், வருவாய்த் துறையினா் பங்கேற்றனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai