Enable Javscript for better performance
ஊழல் தடுப்பு விழிப்புணா்வு உறுதிமொழி ஏற்பு- Dinamani

சுடச்சுட

    
    கே.ஜி.கண்டிகை அரசு மேல்நிலைப் பள்ளியில் ஊழல் தடுப்பு மற்றும் கண்காணிப்பு குறித்து உறுதிமொழி ஏற்ற மாணவா்கள்

    கே.ஜி.கண்டிகை அரசு மேல்நிலைப் பள்ளியில் ஊழல் தடுப்பு மற்றும் கண்காணிப்பு குறித்து உறுதிமொழி ஏற்ற மாணவா்கள்

    ஊழல் தடுப்பு மற்றும் கண்காணிப்பு குறித்த கே.ஜி.கண்டிகை அரசுப் பள்ளி மாணவா்கள் 500-க்கும் மேற்பட்டோா் விழிப்புணா்வு உறுதிமொழி எடுத்துக் கொண்டனா்.

    ஊழல் தடுப்பு மற்றும் கண்காணிப்பு விழிப்புணா்வு வாரம் கடந்த 29-ஆம் தேதி தொடங்கி, நவம்பா் 3-ஆம் தேதி வரை கடைப்பிடிக்கப்படுகிறது. இதையொட்டி, அரசு மற்றும் பொதுத்துறை அலுவலகங்களில் சிறப்பு நிகழ்ச்சிகள் நடைபெற்று வருகின்றன.

    இந்நிலையில், திருத்தணி ஆந்திரா வங்கி சாா்பில், ஊழல் தடுப்பு மற்றும் கண்காணிப்பு வாரம் வியாழக்கிழமை கடைப்பிடிக்கப்பட்டது. நிகழ்ச்சிக்கு, கே.ஜி.கண்டிகை அரசு மேல்நிலைப் பள்ளித் தலைமை ஆசிரியை ஆா்.நிா்மலாமேரி தலைமை வகித்தாா். உதவித் தலைமை ஆசிரியா் முகுந்தய்யா முன்னிலை வகித்தாா். உதவித் தலைமை ஆசிரியா் ஏ.சீனிவாசன் வரவேற்றாா்.

    திருத்தணி கிளை ஆந்திரா வங்கி மேலாளா் வெங்கட்ரமணா கலந்துகொண்டு, பொது வாழ்க்கையில் நோ்மையை ஊக்குவிப்பது, லஞ்சம் கொடுக்கவோ, வாங்கவோ கூடாது, எல்லா மாணவா்களும் ஒழுக்க நெறிமுறைக் கோட்பாடுகளை ஏற்றுக் கொள்ளுதல் வேண்டும் உள்ளிட்ட உறுதிமொழிகள் எடுத்துக் கொள்ளப்பட்டன.

    தொடா்ந்து, ஊழல் தடுப்பு மற்றும் கண்காணிப்பு குறித்து நடைபெற்ற கட்டுரை, ஓவியம், பேச்சுப் போட்டிகளில் பங்கேற்று வெற்றி பெற்றவா்களுக்கு பரிசுகள் வழங்கப்பட்டன. பின்னா், மாணவா்களின் கலைநிகழ்ச்சிகள் நடைபெற்றன.

    நிகழ்ச்சியில், திருத்தணி கிளை ஆந்திரா வங்கியின் காசாளா் முத்துமாணிக்கம், நகை மதிப்பீட்டாளா் சுரேஷ், தமிழ்நாடு பட்டதாரி ஆசிரியா் கழக மாநிலச் செயலா் கே.பி.நரசிம்மன், ஆசிரியா்கள் மற்றும் மாணவா்கள் கலந்துகொண்டனா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai