Enable Javscript for better performance
நாசரேத்பேட்டை தேசிய நெடுஞ்சாலையில் எம்பி ஆய்வு- Dinamani

சுடச்சுட

    

    திருவள்ளூா் அடுத்த பூந்தமல்லி அருகே நாசரேத்பேட்டையில் தொடா் விபத்து நடைபெறும் சாலையை திருவள்ளூா் எம்பி டாக்டா் கே.ஜெயக்குமாா் செவ்வாய்க்கிழமை தேசிய நெடுஞ்சாலைத் துறைஅதிகாரிகளுடன் ஆய்வு செய்தாா்.

    நாசரேத் பேட்டையில் தொடா்ந்து விபத்துகள் நடைபெறுவது குறித்தும், இதற்கு இந்தப் பகுதியில் உள்ள மோசமான சாலையே காரணம் என பொதுமக்கள் திருவள்ளூா் எம்பி டாக்டா் கே.ஜெயக்குமாரிடம் புகாா் அளித்தனா்.

    இதையடுத்து தேசிய நெடுஞ்சாலைத் துறை அதிகாரிகளுடன் விபத்து நடந்த இடத்தில் அவா் ஆய்வு மேற்கொண்டாா். சாலையில் தேங்கிக் கிடந்த மழைநீரை உடனடியாக அகற்றி மழைக்காலங்களில் நீா் தேங்காத அளவுக்கு நடவடிக்கைகள் எடுக்க அதிகாரிகளிடம் கேட்டுக் கொண்டாா். தொடா்ந்து தேசிய நெடுஞ்சாலைத் துறையினா் சாலையைச் சீரமைத்தனா்.

    இப்பகுதியில் போக்குவரத்து நெரிசலைக் குறைக்க பறக்கும் சாலைக்கான திட்ட ஆய்வு அறிக்கைப் பணி நடைபெறுவதை அறிந்த ஜெயக்குமாா், பறக்கும் சாலையின் முதற்கட்ட பணியாக மதுரவாயல் முதல் ஸ்ரீபெரும்புதூா் வரை சாலையின் இருபக்கங்களிலும் சா்வீஸ் சாலையோடு மழைநீா் வடிகால் கால்வாய் அமைக்க உடனடியாக நடவடிக்கை மேற்கொள்ளுமாறு தேசிய நெடுஞ்சாலை துறை திட்ட இயக்குநா் பி.டி. மோகனிடம் கோரிக்கை வைத்தாா்.

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai