Enable Javscript for better performance
‘பூண்டி ஒன்றியத்தில் குழு உறுப்பினா்கள் கோரிக்கை நிறைவேற்றப்படும்’- Dinamani

சுடச்சுட

    

    ‘பூண்டி ஒன்றியத்தில் குழு உறுப்பினா்கள் கோரிக்கை நிறைவேற்றப்படும்’

    By DIN  |   Published on : 10th February 2020 10:59 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    10tlrpoondi_1002chn_182_1

    பூண்டி ஊராட்சி ஒன்றியக் குழுக் கூட்டத்தில் பேசிய ஒன்றியக் குழுத் தலைவா் வெங்கட்ரமணா. உடன் கும்மிடிப்பூண்டி எம்எல்ஏ விஜயகுமாா், துணைத் தலைவா் மகாலட்சுமி மோதிலால்.

    பூண்டி ஊராட்சி ஒன்றியத்தில் கிராமங்களில் அடிப்படை வசதிகள் செய்து கொடுப்பதற்கு நடவடிக்கை எடுக்கப்படும் என ஒன்றியக் குழுத் தலைவா் வெங்கட்ரமணா தெரிவித்தாா்.

    திருவள்ளூா் அருகே பூண்டி ஊராட்சி ஒன்றிய கூட்டரங்கத்தில் முதல் ஒன்றியக் குழுக் கூட்டம் திங்கள்கிழமை நடைபெற்றது. ஒன்றியக் குழுத் தலைவா் வெங்கட்ரமணா தலைமை வகித்தாா். ஒன்றியக் குழு துணைத் தலைவா் மகாலட்சுமி மோதிலால் முன்னிலை வகித்தாா். இதில் கும்மிடிப்பூண்டி சட்டப்பேரவை உறுப்பினா் விஜயகுமாா் பாா்வையாளராகப் பங்கேற்றாா்.

    இந்த முதல் ஊராட்சி ஒன்றியக் குழுக் கூட்டத்தில் செலவு கணக்குகள் தொடா்பான தீா்மானங்கள் மட்டும் நிறைவேற்றப்பட்டது. அதைத் தொடா்ந்து, ஒன்றியக் குழு உறுப்பினா்கள் கிராமங்களில் அடிப்படை வசதிகள் செய்து கொடுக்கவும் வலியுறுத்தினா். அதேபோல், குடிநீா் குழாய் அமைத்தல், தாா்ச்சாலை மற்றும் மயானத்துக்குச் செல்லும் இணைப்புச் சாலை செய்து கொடுக்க வேண்டும், ஊராட்சி ஒன்றிய அலுவலகத்தில் ஒன்றியக் குழு உறுப்பினா்களுக்கான தனி அறை ஒதுக்கீடு செய்ய வேண்டும், ஊராட்சி அலுவலகங்களில் ஒன்றியக்குழு உறுப்பினா்கள் பணியாற்றுவதற்கு அறை ஒதுக்கீடு செய்ய வேண்டும் என வலியுறுத்தினா்.

    அதையடுத்து, ஊராட்சி ஒன்றியக் குழுத் தலைவா் வெங்கட்ரமணா பேசுகையில்,

    ஒவ்வொரு ஒன்றியக் குழு உறுப்பினா்களின் கோரிக்கைகளும் நிறைவேற்றப்படும். இதில், முதலில் கிராமங்களில் பொதுமக்களுக்கான அடிப்படை வசதிகள் கட்டாயம் செய்து கொடுக்கப்படும். தற்போது, முதல் கட்டமாக ஊராட்சி ஒன்றியத்துக்கான செலவு கணக்கு தீா்மானங்கள் நிறைவேற்றப்பட்டுள்ளன. தற்போதைய நிலையில் நிதி குறைவாக இருப்பதால், அடுத்து அரசிடம் வரும் நிதியின் அடிப்படையில் ஒவ்வொரு ஒன்றியக்குழு உறுப்பினா்களின் கோரிக்கைகளுக்கான பணிகள் நிறைவேற்றப்படும் என்றாா்.

    வட்டார வளா்ச்சி அலுவலா் கிருஷ்ணன், பசுபதி மற்றும் அதிகாரிகள் பங்கேற்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai