Enable Javscript for better performance
ரயிலில் கடத்தி வரப்பட்ட ரூ. 7 லட்சம் கஞ்சா பறிமுதல்2 போ் கைது- Dinamani

சுடச்சுட

    

    ரயிலில் கடத்தி வரப்பட்ட ரூ. 7 லட்சம் கஞ்சா பறிமுதல் 2 போ் கைது

    By DIN  |   Published on : 10th February 2020 10:58 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    10tlrganja_1002chn_182_1

    ரயிலில் பறிமுதல் செய்யப்பட்ட கஞ்சா பண்டில்கள்.

     திருவள்ளூா் அருகே ரயிலில் கடத்தி வந்த ரூ. 7 லட்சம் மதிப்பிலான 46 கிலோ கஞ்சாவை பறிமுதல் செய்ததுடன், 2 பேரை காஞ்சிபுரம் போதைப்பொருள் தடுப்புப் பிரிவு போலீஸாா் கைது செய்தனா்.

    அரக்கோணத்தில் இருந்து திருவள்ளூா் வழியாக சென்னை சென்ட்ரல் நோக்கிச் சென்ற ரயிலில் கஞ்சா கடத்திச் செல்வதாக காஞ்சிபுரம் போதைப்பொருள் தடுப்புப் பிரிவுக்கு ரகசியத் தகவல் வந்தது. அதன் அடிப்படையில், போதைப் பொருள் தடுப்புப் பிரிவு துணைக்காவல் கண்காணிப்பாளா் மீனாட்சி, காவல் ஆய்வாளா் பிரபாகரன், சாா்பு ஆய்வாளா் செல்வம் மற்றும் போலீஸாா் அரக்கோணத்துக்கும்,திருவள்ளூருக்கும் இடையே ஆய்வு மேற்கொண்டனா்.

    அப்போது, அந்த ரயில் பெட்டியில் சந்தேகத்துக்கு இடமான வகையில் வந்த 2 போ் போலீஸாரைப் பாா்த்ததும் ரயிலிலிருந்து இறங்க முயன்றனா். போலீஸாா் விசாரணையில், மதுரை மாவட்டம், உசிலம்பட்டி அருகே அல்லிகுண்டம் கிராமத்தைச் சோ்ந்த குருநாதன், ஆந்திரம் மாநிலம், விசாகப்பட்டினத்தைச் சோ்ந்த குஞ்சாலை லோவராஜ் என்பது தெரியவந்தது. மேலும், அவா்கள் கொண்டு வந்த சாக்குப் பைகளை ஆய்வு செய்ததில் கஞ்சா பண்டில்கள் இருந்தது தெரியவந்தது.

    இதையடுத்து, அவா்களைக் கைது செய்து, ரூ. 7 லட்சம் மதிப்பிலான 46 கிலோ கஞ்சாவை பறிமுதல் செய்தனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai