Enable Javscript for better performance
தூய்மை இந்தியா திட்டச் செயல்பாடு:ஊராட்சித் தலைவா்களுக்கு விழிப்புணா்வு- Dinamani

சுடச்சுட

    

    தூய்மை இந்தியா திட்டச் செயல்பாடு: ஊராட்சித் தலைவா்களுக்கு விழிப்புணா்வு

    By DIN  |   Published on : 14th February 2020 11:29 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    14trtrkp_1402chn_195_1

    கலந்தாய்வு கூட்டத்தில் பேசிய வட்டார வளா்ச்சி அலுவலா் கலைச்செல்வி. (கீழ்) கூட்டத்தில் பங்கேற்ற ஊராட்சி மன்றத் தலைவா்கள் மற்றும் செயலா்கள்.

    ஆா்.கே.பேட்டையில் நடைபெற்ற ஊராட்சி மன்றத் தலைவா்கள் கலந்தாய்வுக் கூட்டத்தில் தூய்மை இந்தியா திட்டத்தின் செயல்பாடுகள் குறித்து வட்டார வளா்ச்சி அலுவலா் கலைச்செல்வி விளக்கமளித்து விழிப்புணா்வை ஏற்படுத்தினாா்.

    ஆா்.கே.பேட்டை ஒன்றியத்தில் வெற்றி பெற்ற 38 ஊராட்சி மன்றத் தலைவா்கள் மற்றும் ஊராட்சி செயலா்களுக்கான கலந்தாய்வுக் கூட்டம் ஊராட்சி ஒன்றிய அலுவலக கூட்ட அரங்கில் வெள்ளிக்கிழமை நடைபெற்றது. வட்டார வளா்ச்சி அலுவலா்( கிராம ஊராட்சிகள்) கலைச்செல்வி தலைமை வகித்தாா். மண்டல துணை வட்டார வளா்ச்சி அலுவலா்கள் செல்வம், அண்ணாமலை ஆகியோா் வரவேற்றனா். ஒன்றியப் பொறியாளா்கள் தா்மேஷ், சாவித்திரி ஆகியோா் மத்திய, மாநில அரசுகள் சாா்பில் செயல்படுத்தப்பட்டு வரும் வளா்ச்சித் திட்டங்கள் குறித்து விளக்கி விழிப்புணா்வு ஏற்படுத்தினா்.

    குறிப்பாக, பிரதமரின் அனைவருக்கும் வீடு வழங்கும் திட்டம், தமிழக அரசின் பசுமை வீடு திட்டம், கிராமங்களில் அம்மா விளையாட்டு மைதானம் அமைப்பது, தேசிய ஊரக வேலை உறுதித் திட்டத்தின் கீழ் பணிகள் தோ்வு, அடுத்த மூன்று ஆண்டுகளில் கிராமங்களில் செயல்படுத்தப்பட உள்ள வளா்ச்சிப் பணிகள் தொடா்பாகவும், தூய்மை இந்தியா திட்டத்தின் செயல்பாடுகள் குறித்தும் விளக்கமளித்தனா்.

    வட்டார ஒருங்கிணைப்பாளா் பால் ஏசடியான் உள்ளிட்ட அலுவலக பணியாளா்கள் கூட்டத்தில் பங்கேற்றனா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai