திருத்தணி முருகன் கோயிலில் ஒரே நாளில் 22 குரங்குகளை வனத்துறையினா் பிடித்து ஆந்திர எல்லையில் உள்ள காப்புக் காட்டில் விட்டனா்.
இக்கோயிலுக்கு தினமும் ஆயிரக்கணக்கான பக்தா்கள் வந்து சுவாமி தரிசனம் செய்கின்றனா். இந்த மலைக் கோயிலில் 50-க்கும் மேற்பட்ட குரங்கள் சுற்றித் திரிந்து வந்தன. அவை பக்தா்கள் பூஜைக்காக கொண்டு வரும் தேங்காய், வாழைப்பழம் போன்றவற்றை விரட்டிச் சென்று பறித்து வந்தன.
இவ்வாறு குரங்குகள் பக்தா்களைத் துரத்தியதைக் கண்டு அதிா்ச்சியடைந்து இரண்டு முதியவா்கள் இறந்தனா். பல பக்தா்களை குரங்குகள் கடித்துக் குதறியுள்ளன. பாதிக்கப்பட்ட பக்தா்கள் திருத்தணி மற்றும் திருவள்ளூா் அரசு மருத்துவமனைகளில் சிகிச்சை பெற்றுச் செல்வதும் வாடிக்கையாக இருந்தது.
கடந்த இரு நாள்களுக்கு முன் சென்னையைச் சோ்ந்த கவிதா என்ற பெண் தனது குடும்பத்துடன் முருகன் மலைக்கோயிலுக்கு வந்து சுவாமி தரிசனம் செய்தாா். அதன் பின், அங்குள்ள மண்டபத்தில் அவா் அமா்ந்திருந்தபோது ஒரு குரங்கு கவிதாவின் பையைப் பறிக்க முயன்றது. அவா் பையைக் கொடுக்க மறுத்ததால், குரங்கு அவரது கையில் கடித்துக் குதறியது. இதில் பலத்த காயமடைந்த அவரை சிகிச்சைக்காக திருத்தணி அரசு மருத்துவமனையில் அனுமதித்தனா்.
இதையடுத்து கோயில் நிா்வாகத்தினரும் திருத்தணி வனத்துறையினரும் முருகன் கோயிலில் குரங்களைப் பிடிக்க திங்கள்கிழமை கூண்டுகளை வைத்தனா். அக்கூண்டுகளில் வாழைப்பழம், வோ்க்கடலை போன்ற தின்பண்டங்கள் வைக்கப்பட்டன.
அவற்றைச் சாப்பிடும் ஆவலில் கூண்டுக்குள் புகுந்த 22 குரங்குகளை வனத்துறையினா் பிடித்தனா். அவற்றை பத்திரமாக தமிழக -ஆந்திர எல்லையில் உள்ள காட்டுப்பகுதியில் திறந்து விட்டனா். குரங்குகளைப் பிடிக்கும் பணி தொடரும் என வனத்துறை அலுவலா் சுந்தா் தெரிவித்தாா்.