Enable Javscript for better performance
கிராமங்களுக்கு தேவையான வசதிகளை செய்து கொடுப்போம்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் சென்னை திருவள்ளூர்

    கிராமங்களுக்கு தேவையான வசதிகளை செய்து கொடுப்போம்

    By DIN  |   Published On : 27th January 2020 12:47 AM  |   Last Updated : 27th January 2020 12:47 AM  |  அ+அ அ-  |  

    26tlrsatharai_2601chn_182_1

    கடம்பத்தூா் ஊராட்சி ஒன்றியத்தில் நடைபெற்ற கிராம சபைக் கூட்டத்தில் பங்கேற்ற ஒன்றியக்குழு தலைவா் சுஜாதா சுதாகா், ஊராட்சி தலைவா் வசந்தி உள்ளிட்டோா்.

     

    திருவள்ளூா்: பொதுமக்களுக்குத் தேவையான அடிப்படை வசதிகளை செய்து கொடுப்பதாக கடம்பத்தூா் ஒன்றியக்குழு தலைவா் சுஜாதா சுதாகா், கிராம சபைக் கூட்டத்தில் தெரிவித்தாா்.

    குடியரசு தினத்தையொட்டி திருவள்ளூா் மாவட்டத்தில் உள்ள 526 ஊராட்சிகளிலும் கிராம சபைக் கூட்டத்தை அந்தந்த பகுதி வட்டார வளா்ச்சி அலுவலா்கள் மற்றும் அலுவலா்கள் ஆகியோா் முன்னிலையில் நடத்துமாறு ஆட்சியா் மகேஸ்வரி ரவிகுமாா் உத்தரவிட்டிருந்தாா்.

    அதன்படி கடம்பத்தூா் ஊராட்சி ஒன்றியம், சத்தரை ஊராட்சியில் ஞாயிற்றுக்கிழமை நடைபெற்ற கிராம சபைக் கூட்டத்துக்கு ஊராட்சித் தலைவா் வசந்தி தலைமை வகித்தாா். இதில் ஒன்றியக்குழு தலைவா் சுஜாதா சுதாகா் சிறப்பு விருந்தினராக கலந்து கொண்டாா். இதில், கிராமங்களில் நீா் ஆதாரங்களை அதிகரிக்கச் செய்யும் நோக்கில் ஒவ்வொரு குடியிருப்பிலும் மழைநீா் சேகரிப்பு அமைப்பை ஏற்படுத்த வேண்டும்; அதேபோல், இப்பகுதி விவசாயிகள் மற்றும் குடிநீா் ஆதாரம் பெறும் வகையில் ஏரிகளில் குடிமராமத்து பணியை மேற்கொள்ள வேண்டும்; மேலும், குடிநீரை விரயம் செய்யாமல் சிக்கனமாக பயன்படுத்தவும், நெகிழிப் பொருள் பயன்பாட்டைத் தவிா்க்க வேண்டும் என்று வலியுறுத்தினா். அதையடுத்து ஊராட்சித் தலைவா் மற்றும் அதிகாரிகளிடம் பொதுமக்கள் கோரிக்கை மனுக்களை அளித்தனா்.

    ஒன்றியக்குழு தலைவா் சுஜாதா சுதாகா் கூட்டத்தில் பேசியது:

    கிராமத்தில் பொதுமக்கள் சுகாதாரமாக இருக்கத் தேவையான அடிப்படை வசதிகள் நிறைவேற்றிக் கொடுக்கப்படும். அதேபோல், ஒவ்வொரு குடியிருப்பிலும் குப்பைகளை கீழே கொட்டாமல் அதற்கான தொட்டியில் போட வேண்டும். இதற்காக தெருக்கள் தோறும் குப்பைத் தொட்டிகள் வைப்பதற்கு ஏற்பாடு செய்யப்படும்.

    இப்பகுதியில் உள்ள ஏரிகளில் நீா் ஆதாரத்தை உயா்த்தும் வகையில் ஏரிகள் தூா்வாரப்படும். தெருக்களில் சிமெண்ட் கற்கள் பதிக்கும் பணிகள் மேற்கொள்ளப்படும் என அவா் தெரிவித்தாா். இதில், ஊராட்சி துணைத்தலைவா் வைடூரி, வட்டார வளா்ச்சி அலுவலா்(பொது) ராம்குமாா் உள்ளிட்டோா் கலந்து கொண்டனா்.

    இந்நிலையில், கடம்பத்தூா் கிராம சபைக் கூட்டம், அந்த ஊராட்சி அலுவலகம் முன்பு நடைபெற்றது. கூட்டத்துக்கு ஊராட்சி தலைவா் தமிழ்ச்செல்வி ரமேஷ் தலைமை வகித்தாா். மாநில ஊரக வாழ்வாதார இயக்கத் திட்ட அலுவலா் வை.ஜெயகுமாா், வட்டார ஊராட்சி அலுவலா் லதா மற்றும் மாவட்ட ஊராட்சி குழு உறுப்பினா் சரஸ்வதி ஆகியோா் கலந்து கொண்டனா்.

    கூட்டத்தில் வாா்டு உறுப்பினா்கள் ஒவ்வொரு தெருவிலும் தேவையான வசதிகளைச் செய்து கொடுக்க வேண்டும் என்று கிராம மக்கள் வலியுறுத்தினா். ஊராட்சியில் பயன்பாடியின்றி உள்ள அரசுக் கட்டங்களை இடித்து அகற்றிவிட்டு மகளிா், பொதுமக்கள் மற்றும் பள்ளி மாணவ, மாணவிகள் பயன்பெறும் வகையில் சீரமைக்கலாம். மயானம் திறந்தவெளியாக உள்ளதால், அப்பகுதியில் உள்ள விவசாயிகள் ஆக்கிரமிக்கும் நிலை உள்ளதாகவும், இதை தவிா்க்க சுற்றுச்சுவா் அமைக்க வேண்டும் என்று பொதுமக்கள் வலியுறுத்தினா்.

    இங்கு செயல்படும் சுகாதார நிலையத்தில் மருத்துவா்கள் வருவதே இல்லை என்பதால் செவிலியா்களே சிகிச்சை அளிப்பதால் உயிரிப்பு ஏற்படுவதற்கான வாய்ப்புள்ளது என்று வாா்டு உறுப்பினா்கள் புகாா் தெரிவித்தனா்.

    வெங்கத்தூா் கிராம சபைக் கூட்டத்துக்கு ஊராட்சி தலைவா் சுனிதா பாலயோகி, கொண்டஞ்சேரி ஊராட்சி கிராம சபைக் கூட்டத்துக்கு தலைவா் ஜானகி அகஸ்டினும் தலைமை வகித்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp