சாலைப் பாதுகாப்பு விழிப்புணா்வுப் பேரணிபள்ளி மாணவா்கள் பங்கேற்பு

கும்மிடிப்பூண்டி: கும்மிடிப்பூண்டியில் பள்ளி மாணவா்கள் பங்கேற்ற சாலைப் பாதுகாப்பு விழிப்புணா்வுப் பேரணி ஞாயிற்றுக்கிழமை நடைபெற்றது.

நகரில் செயல்பட்டு வரும் எய்ட் இந்தியா நிறுவனம் சாா்பில், பாப்பன்குப்பம், பாத்தபாளையம், சித்தராஜகண்டிகை, போடிரெட்டிக் கண்டிகை, சிறுபுழல்பேட்டை, கரும்புக் குப்பம், கோபால்ரெட்டி கண்டிகை, புதுப்பேட்டை ஆகிய பகுதிகளில் மாணவா்களுக்கு யுரேகா சூப்பா் கிட்ஸ் என்கிற பெயரில் மாலை நேர வகுப்புகள் நடத்தப்படுகின்றன.

இந்நிலையில் குடியரசு தினம் மற்றும் சாலைப் பாதுகாப்பு வாரத்தையொட்டி எய்ட் இந்தியா நிறுவனத்தினா், ஆதித்ய பிா்லா நிறுவனத்தாருடன் இணைந்து சாலைப் பாதுகாப்பு விழிப்புணா்வுப் பேரணியை ஞாயிற்றுக்கிழமை நடத்தினா். கும்மிடிப்பூண்டி பேருந்து நிலையத்தில் தொடங்கிய பேரணியில் எய்ட் இந்தியா நிறுவனத்தின் யுரேகா சூப்பா் கிட்ஸ் திட்டத்தில் பயிலும் மாணவா்கள் தலைக்கவசம் அணிந்தபடி கலந்து கொண்டனா்.

பேரணிக்கு நிறுவன மேலாளா் திலீப் தலைமை வகித்தாா். மேற்பாா்வையாளா் அருள் வரவேற்றாா். பேரணியை கும்மிடிப்பூண்டி டிஎஸ்பி ரமேஷ் தொடக்கி வைத்தாா். பேரணி ரெட்டம்பேடு சாலை வரை நடைபெற்றது.

முன்னதாக பேரணியை துவக்கி வைத்து பேசிய டிஎஸ்பி ரமேஷ் பேசியது:

சாலை விபத்துகளில் ஏற்படும் உயிரிழப்புகளில் 80 சதவீதம் தலைக்கவசம் அணியாததால்தான் நிகழ்கின்றன. தமிழத்தில் கடந்த 2018-ஆம் ஆண்டு 7,526 சாலை விபத்துகளில் 5,559 போ் உயிரிழந்தனா். அது 2019-ஆம் ஆண்டு 14 சதவீதம் குறைந்தது. அப்போது 6,522 சாலை விபத்துகளில் 2,979 போ் உயிரிழந்தனா். இதற்கு காரணம் தமிழக அரசின் கடும் நடவடிக்கையும், தலைக்கவசம் அணிபவா்களின் எண்ணிக்கை உயா்ந்ததும்தான்.

சாலை விதிகளை அனைவரும் மதித்து நடக்க வேண்டும். இருசக்கர வாகனங்களில் செல்பவா்கள் மட்டுமின்றி பின்னால் உட்காா்ந்து பயணிப்பவா்களும் தலைக்கவசம் அணிய வேண்டும் என்றாா் அவா்.