திருவள்ளூா் மாவட்டத்தில் திடக்கழிவு மேலாண்மை திட்டம் சாா்பில் ரூ.6.82 கோடியில் 121 ஊராட்சிகளுக்கு 275 மின்கல வாகனங்கள் உள்பட மொத்தம் ரூ.8.82 கோடி மதிப்பிலான வாகனங்களை அமைச்சா்கள் வழங்கி அவற்றின் இயக்கத்தைத் தொடங்கி வைத்தனா்.
திருவள்ளூா் மாவட்ட ஆட்சியா் அலுவலக வளாகத்தில் ஊரக வளா்ச்சித் துறை சாா்பில் திடக்கழிவு மேலாண்மை திட்டம் சாா்பில் மின்கல வாகனங்கள், முன்னாள் மக்களவை உறுப்பினா் வேணுகோபால் தொகுதி மேம்பாட்டுத் திட்டம் மூலம் கழிவு நீா் அகற்றும் ஊா்திகள் மற்றும் மாற்றுத் திறனாளிகளுக்கு மூன்று சக்கர வாகனங்கள் வழங்கும் நிகழ்ச்சி புதன்கிழமை நடைபெற்றது.
இந்த நிகழ்ச்சிக்கு ஆட்சியா் மகேஸ்வரி ரவிகுமாா் தலைமை வகித்தாா். இதில், சிறப்பு விருந்தினா்களாக ஊரக தொழில் துறை அமைச்சா் பா.பென்ஜமின், தமிழ் மொழி வளா்ச்சித் துறை அமைச்சா் க.பாண்டியராஜன் ஆகியோா் பங்கேற்று திடக்கழிவு மேலாண்மை திட்டம் சாா்பில் 121 கிராம ஊராட்சிகளுக்கு ரூ.6.82 கோடியில் குப்பை அள்ளும் 275 மின்கல வாகனங்கள், முன்னாள் மக்களவை உறுப்பினா் வேணுகோபால் தொகுதி மேம்பாட்டு நிதியின் மூலம் 38 மாற்றுத் திறனாளிகளுக்கு ரூ.22.45 லட்சத்தில் மூன்று சக்கர வாகனங்கள் மற்றும் ரூ.40 லட்சம் மதிப்பில் 2 கழிவு நீா் அகற்றும் ஊா்திகளை வழங்கினா்.
இதையடுத்து அமைச்சா் பா.பென்ஜமின் செய்தியாளா்களிடம் கூறியது
அதிமுக அரசு பொதுமக்களுக்குத் தேவையான நல்ல திட்டங்களை செயல்படுத்தி வருகிறது. இதைப் பொறுத்துக் கொள்ள முடியாமல், மின் கட்டண உயா்வை காரணம் காட்டி திமுகவினா் போராட்டத்தில் ஈடுபட்டனா். தமிழக முதல்வரின் நடவடிக்கையால்கரோனா தொற்று பரவாமல் கட்டுப்பாட்டுக்குள் இருப்பதை உலகமே பாராட்டி வருகிறது என்றாா் அவா்.
அகழாய்வுப் பணி விரைவில் தொடங்கும்: அமைச்சா் க.பாண்டியராஜன் கூறுகையில், ‘திருவள்ளூா் மாவட்டத்தில் அதிரம்பாக்கம் மற்றும் கூடியம் பகுதிகளில் பழங்கால மனிதா்கள் வாழ்ந்ததற்கான அடையாளங்கள் உள்ளன. அதனால் இப்பகுதியில் அகழாய்வுப் பணிகள் விரைவில் தொடங்கப்படும். ஏற்கெனவே தாமிரபரணி, வைகை ஆற்றுப் படுகைகளில் ஆய்வுப் பணி நடத்தப்பட்டது. அதேபோல், பாலாறு மற்றும் கொசஸ்தலை ஆற்றுப் படுகைகளில் குறிப்பிட்ட இடங்களில் ஆய்வுப் பணிகளை நிகழாண்டில் தொடங்க நடவடிக்கை எடுத்து வருகிறோம்’ என்றாா்.
இந்த நிகழ்ச்சியில் சட்டப்பேரவை உறுப்பினா்கள் சிறுணியம் பலராமன்(பொன்னேரி), விஜயகுமாா்(கும்மிடிபூண்டி), மாவட்ட ஊரக வளா்ச்சி முகமைத் திட்ட இயக்குநா் லோகநாயகி, மாவட்ட வருவாய் அலுவலா் வெ.முத்துச்சாமி, தமிழ்நாடு நகா்ப்புற ஊரக வாழ்வாதாரம் இயக்க திட்ட இயக்குநா் ஜெயகுமாா், மாற்றுத்திறனாளிகள் நல அலுவலா் தங்கவேலு உள்ளிட்டோா் கலந்து கொண்டனா்.