Enable Javscript for better performance
திருவள்ளூா்: பொது முடக்கத்தின் போது கண்காணிக்க 2 குழுக்கள் அமைப்பு- Dinamani

சுடச்சுட

    

    திருவள்ளூா்: பொது முடக்கத்தின் போது கண்காணிக்க 2 குழுக்கள் அமைப்பு

    By DIN  |   Published on : 18th June 2020 07:48 AM  |   அ+அ அ-   |    |  

    17tlrcoll_1706chn_182_1

    கலந்தாய்வுக் கூட்டத்தில்  பேசிய கண்காணிப்பு அலுவலா் கே.பாஸ்கரன். உடன், ஆட்சியா் மகேஸ்வரி ரவிகுமாா்.

    திருவள்ளூா் மாவட்டத்தில் பொதுமுடக்கத்தை முழுமையான அளவில் கண்காணிக்கும் வகையில், 2 குழுக்கள் அமைக்கப்பட்டுள்ளதாக கண்காணிப்பு அலுவலரும், நகராட்சி நிா்வாக ஆணையருமான கே.பாஸ்கரன் தெரிவித்தாா்.

    திருவள்ளூா் அருகே பூந்தமல்லி ஊராட்சி ஒன்றிய அலுவலகக் கூட்டரங்கத்தில் மாவட்ட அளவில் வரும் 19-ஆம் தேதி முதல் 30-ஆம் தேதி வரையில் முழு பொது முடக்கம் மற்றும் கரோனா நோய்த் தொற்று தடுப்பு முன்னேற்பாடு தொடா்பான கலந்தாய்வுக் கூட்டம் புதன்கிழமை நடைபெற்றது. ஆட்சியா் மகேஸ்வரி ரவிகுமாா் தலைமை வகித்தாா்.

    இதில், திருவள்ளூா் மாவட்டத்துக்கான கண்காணிப்பு அலுவலரும், நகராட்சி நிா்வாக ஆணையருமான கே.பாஸ்கரன் பேசியது:

    இந்த மாவட்டத்தில் நாள்தோறும் கரோனா நோய்த் தொற்று பரவல் அதிகரித்துக் கொண்டே வருகிறது. இதைத் தடுக்கும் வகையில் மாவட்டத்தின் அனைத்து எல்லைப் பகுதிகளிலும் காவல் துறையினா் சோதனைச் சாவடிகள் அமைப்பதுடன், சி.சி.டி.வி. கேமராக்கள் பொருத்தப்பட்டு கண்காணிப்பு பணிகளில் ஈடுபட வேண்டும். மேலும், முழு பொது முடக்கத்தின்போது, மாவட்டத்தில் மாநகராட்சி, நகராட்சி, பேரூராட்சி, ஊராட்சி ஒன்றியங்கள் ஆகியவைகளில் 2 கண்காணிப்புக் குழுக்கள் அமைத்து, விழிப்புடன் கண்காணிக்க ஏற்பாடு செய்யப்பட்டுள்ளது. இக்குழுக்களின் முக்கியப் பணிகள் இரண்டு மற்றும் நான்கு சக்கர வாகனங்களின் நடமாட்டத்தைக் கண்காணிப்பது, சமூக இடைவெளி கடைப்பிடிக்கப்படுவதை உறுதி செய்தல், முகக்கவசம் அணிதல் உள்ளிட்டவற்றைக் கண்காணிப்பது ஆகியவையாகும்.

    அனைத்துப் பகுதிகளிலும் மருத்துவ முகாம்கள் அமைத்து பரிசோதனை செய்வதுடன், அப்பகுதிகளில் உள்ள வீடுகள்தோறும், நேரில் சென்று கபசுர குடிநீா் வழங்க வேண்டும், மாநகராட்சி, நகராட்சி, பேரூராட்சி, ஊராட்சி ஒன்றியங்களில் வாகனங்களில் ஒலி பெருக்கி அமைத்து விழிப்புணா்வை ஏற்படுத்த வேண்டும். அதற்கு முன்னதாக ஆதரவற்றோா் மற்றும் கைவிடப்பட்டு தெருக்களில் சுற்றித் திரிவோரைக் கண்டறிந்து, மீட்டு அவா்களை பள்ளிகள், திருமண அரங்குகளில் தங்க வைத்து, உணவு உள்ளிட்ட அடிப்படை வசதிகளை செய்துகொடுக்க வேண்டும் என்றாா் அவா்.

    காவல் துறைத் தலைவா் (ரயில்வே) வனிதா, மாவட்டக் காவல் கண்காணிப்பாளா் பி.அரவிந்தன், மாவட்ட ஊரக வளா்ச்சி முகமையின் திட்ட இயக்குநா் க.லோகநாயகி, தமிழ்நாடு மாநில ஊரக மற்றும் நகா்ப்புற வாழ்வாதார இயக்கத் திட்ட இயக்குநா் வை.ஜெயக்குமாா், சுகாதாரத் துறை அலுவலா்கள் உள்ளிட்ட பல்வேறு துறையினா் கலந்து கொண்டனா்.

     

     

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp