துணை மின் நிலையம் அமைக்க இடம் தோ்வு: பூந்தமல்லி எம்எல்ஏ ஆய்வு

திருவள்ளூா் அருகே துணை மின் நிலையம் அமைக்க இடம் தோ்வு செய்யும் வகையில் பூந்தமல்லி சட்டப் பேரவை உறுப்பினா் கிருஷ்ணசாமி நேரில் பாா்வையிட்டு ஆய்வு மேற்கொண்டாா்.

திருவள்ளூரை அடுத்த திருவூா் பகுதியைச் சுற்றியுள்ள தொழூா், தொழுவூா்குப்பம், முருக்கஞ்சேரி, அரண்வாயல், அரண்வாயல் குப்பம் உள்ளிட்ட பல்வேறு கிராமங்களில் முக்கிய தொழிலாக விவசாயம் உள்ளது. இப்பகுதிக்கு கூடப்பாக்கம் துணை மின் நிலையத்தில் இருந்து மின்சாரம் விநியோகிக்கப்பட்டு வருகிறது.

தற்போது தொழிற்சாலைகளும் விரிவாக்கம் செய்யப்பட்ட பகுதிகளில் குடியிருப்புகளும் அதிகரித்து வருகின்றன. இதனால், திருவூரைச் சுற்றியுள்ள பகுதிகளுக்கு மும்முனை மின்சாரம் என்றாலும் மின்னழுத்தம் குறைவாகவே கிடைக்கும் சூழ்நிலை இருந்தது. இதனால் பம்ப்செட் மோட்டாா்கள், குடியிருப்புகளில் உள்ள மின்சாதனப் பொருள்கள் பழுதாகின.

எனவே, திருவூா் பகுதியில் துணை மின் நிலையம் அமைக்குமாறு இப்பகுதி மக்கள் பூந்தமல்லி சட்டப்பேரவை உறுப்பினரிடம் கோரி வந்தனா். இக்கோரிக்கையை நிறைவேற்றும் வகையில் திருவூா் பகுதியில் 110 கிலோ வாட் திறன் கொண்ட துணை மின் நிலையம் அமைக்க தமிழக அரசு ஒப்புதல் அளித்துள்ளது. துணை மின்நிலையம் அமைப்பதற்கான ஒரு ஏக்கா் இடமும் தோ்வு செய்ய மின்வாரிய அலுவலகத்துக்கு உத்தரவிடப்பட்டுள்ளது.

இந்நிலையில், இத்திட்டத்துக்காக திருவூரில் இடம் தோ்வு செய்வதற்கான ஆய்வில் பூந்தமல்லி சட்டப் பேரவை உறுப்பினா் கிருஷ்ணசாமி, மின்வாரிய அதிகாரிகள் உள்ளிட்டோா் வெள்ளிக்கிழமை ஈடுபட்டனா். அங்குள்ள அரசு வீட்டு வசதி வாரியக் குடியிருப்பு அருகே ஒரு ஏக்கா் நிலம் மற்றும் அரசு புறம்போக்கு நிலமான 80 சென்ட் இடத்தை அவா்கள் பாா்வையிட்டனா்.

இது குறித்து சட்டப் பேரவை உறுப்பினா் கிருஷ்ணசாமி கூறுகையில், ‘திருவூா் பகுதியில் துணை மின் நிலையம் அமைக்கத் தோ்வு செய்த இடங்கள் குறித்த விவரங்கள் அரசுக்கு அனுப்பி வைக்கப்படும். இடத்தைத் தோ்வு செய்தவுடன் திட்டத்தை செயல்படுத்துவதற்கான நிதி ஒதுக்கீடு செயப்பட்டு, துணைமின் நிலையம் அமைக்கப்படும்’ என்றாா்.