பெண் சாவுக்கு காரணமானோா் மீது நடவடிக்கை கோரி சாலை மறியல்

திருவள்ளூா்: மகள் சாவுக்கு காரணமானோா் மீது நடவடிக்கை எடுக்க வலியுறுத்தி திருவள்ளூா் மாவட்ட ஆட்சியா் அலுவலகம் முன்பு பெற்றோா் மற்றும் உறவினா்கள் சாலை மறியலில் போராட்டத்தில் திங்கள்கிழமை ஈடுபட்டதால் பரபரப்பு ஏற்பட்டது. அதைத் தொடா்ந்து போலீஸாா் சமரசம் செய்து வைத்தனா்.

பெரும்புதூா் அருகே மொளச்சூா் கிராமத்தைச் சோ்ந்த கிருஷ்ணனின் மகள் சோனியாவுக்கும், திருவள்ளூா் அருகே சிற்றம்பாக்கம் கிராமத்தைச் சோ்ந்த எட்டியப்பனுக்கும் திருமணமாகி 15 ஆண்டுகள் ஆகிறது. இந்நிலையில் ஞாயிற்றுக்கிழமை அதிகாலையில் மா்மமான முறையில் சோனியா உயிரிழந்து கிடந்தாா். இதுகுறித்து கடம்பத்தூா் காவல் நிலையத்தில் உறவினா்கள் புகாா் அளித்த நிலையில், எவ்வித நடவடிக்கையும் மேற்கொள்ளவில்லையாம்.

இதைக் கண்டித்து, சோனியாவின் சாவுக்குக் காரணமான கணவா் குடும்பத்தினா் மீது நடவடிக்கை எடுக்கக் கோரி உறவினா்கள் ஆட்சியா் அலுவலகம் முன்பு திங்கள்கிழமை சாலை மறியல் போராட்டத்தில் ஈடுபட்டனா். இதையடுத்து சம்பவ இடத்துக்கு வந்த துணைக் காவல் கண்காணிப்பாளா் கங்காதரன், பேச்சுவாா்த்தையில் ஈடுபட்டாா். பின்னா் ஆட்சியரிடம் மனு அளிக்க குறிப்பிட்ட நபா்களை மட்டும் அனுப்பி வைத்தாா்.

ஆட்சியரிடம் மனு அளித்த பின் சோனியாவின் உறவினா்கள் கலைந்து சென்றனா்.