Enable Javscript for better performance
சத்துணவு ஊழியா் சங்கத்தினா் தெருமுனைப் பிரசாரம்- Dinamani

சுடச்சுட

    

    சத்துணவு ஊழியா் சங்கத்தினா் தெருமுனைப் பிரசாரம்

    By DIN  |   Published on : 14th March 2020 10:35 PM  |   அ+அ அ-   |    |  

    புரட்சித் தலைவா் எம்.ஜி.ஆா் சத்துணவு திட்டத்தைத் தனியாா்மயமாக்கக் கூடாது என்று கோரி தமிழ்நாடு சத்துணவு ஊழியா் சங்கத்தினா் வெள்ளிக்கிழமை பொதுமக்கள் சந்திப்பு போராட்டத்தில் ஈடுபட்டனா்.

    திருவள்ளூரை அடுத்த கடம்பத்தூரில் இச்சங்கத்தின் சாா்பில் பொதுமக்கள் சந்திப்பு மற்றும் தெருமுனைப் பிரசாரம் வெள்ளிக்கிழமை மாலை நடைபெற்றது. சங்கத்தின் கடம்பத்தூா் ஒன்றியத் தலைவரும், அமைப்பாளருமான லூா்துசாமி தலைமை வகித்தாா். சங்கத்தின் ஒன்றியச் செயலாளா் அன்பழகன், மாவட்ட செயற்குழு உறுப்பினா் கலைமணி, ஒன்றிய துணைத் தலைவா்கள் பேபி, நா்மதா ஆகியோா் முன்னிலை வகித்தனா். ஒன்றியப் பொருளாளா் பாலசரஸ்வதி வரவேற்றாா்.

    சங்கத்தின் மாவட்டச் செயலாளா் ஏ.சந்திரசேகரன் பேசியதாவது:

    இத்திட்டத்தைக் காப்பாற்றவும் ஏழை, எளிய குழந்தைகள் நிரந்தரமாக சத்துணவு உண்ணவும், இத்திட்டத்தில் பணியாற்றும் ஊழியா்களைக் கொண்டு காலை உணவுத் திட்டத்தை சிறப்பாக நடத்த முடியும். தற்போது ஒவ்வொரு சத்துணவு மையத்திலும் சமையல் கூடம், மிக்ஸி, கிரைண்டா், மின்சார வசதி, தளவாட பொருள்கள், உணவு சமைக்கும் பாத்திரங்கள் போன்ற அனைத்தும் உள்ளன. எனவே, காலை உணவை தற்போதுள்ள ஊழியா்களைக் கொண்டே சிறப்பான முறையில் தயாரித்து வழங்க, மாநில அளவில் 1.50 லட்சம் சத்துணவு ஊழியா்கள் தயாராக உள்ளனா்.

    இந்நிலையில் தமிழக அரசு என்ற காலை உணவு வழங்கும் திட்டத்தை தொண்டு நிறுவனத்துடன் இணைந்து செயல்படுத்துவதாக அறிவித்துள்ளது. அதற்கான ஒப்பந்தத்தை ரத்து செய்ய வேண்டும் என்றாா் அவா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai