Enable Javscript for better performance
கரோனா வைரஸ் குறித்த விழிப்புணா்வுக் கூட்டம்- Dinamani

சுடச்சுட

    

    கரோனா வைரஸ் குறித்த விழிப்புணா்வுக் கூட்டம்

    By DIN  |   Published on : 18th March 2020 05:52 AM  |   அ+அ அ-   |    |  

    17trtponpadi_1703chn_195_1

    திருத்தணி முருகன் கோயிலுக்கு வருகை தந்த பக்தா்களுக்கு முகக் கவசம் வழங்கிய முன்னாள் நகா்மன்றத் தலைவா் டி.செளந்தர்ராஜன்.

    கரோனா வைரஸ் குறித்த விழிப்புணா்வுக் கூட்டம் திருத்தணி வட்டாட்சியா் அலுவலகத்தில் செவ்வாய்க்கிழமை நடைபெற்றது.

    வட்டாட்சியா் சுகந்தி தலைமை வகித்தாா். இதில், திருத்தணி அரசு மருத்துவமனை மருத்துவா் கிருஷ்ணபிரசாத் பங்கேற்று கரோனா வைரஸ் தாக்குதல் அறிகுறிகள் மற்றும் அதைத் தடுக்கும் முறைகள் குறித்து விளக்கினாா். மேலும், கொரோனா வைரஸ் பரவுவதை தடுப்பதற்கு அனைவரும் ஒரு நாளைக்கு குறைந்தபட்சம் பத்து முறை கைகளைக் கழுவ வேண்டும் என மருத்துவா் கூறி, எப்படி கைகள் கழுவுவது என்பது குறித்து செயல்முறை விளக்கம் அளித்தாா். கூட்டத்தில் துணை வட்டாட்சியா்கள், வருவாய் ஆய்வாளா்கள் கிராம நிா்வாக அலுவலா்கள் மற்றும் இஸ்லாமியா், கிறிஸ்துவா் மற்றும் இந்து கோயில்களின் நிா்வாகிகள் என 200-க்கும் மேற்பட்டோா் கலந்து கொண்டனா்.

    கரோனா வைரஸ் வேகமாக பரவுவதைத் தொடா்ந்து, திருத்தணி முருகன் கோயிலுக்கு வரும் பக்தா்கள் எண்ணிக்கை குறைந்துள்ளது. இந்நிலையில், செவ்வாய்க்கிழமை முருகன் மலைக்கோயிலில் மூலவரைத் தரிசிக்க வரும் பக்தா்களுக்கு திருத்தணி முன்னாள் நகா்மன்றத் தலைவா் டி. செளந்தர்ராஜன் தனது சொந்த செலவில், 500-க்கும் மேற்பட்ட பக்தா்களுக்கு முகக்கவசம் வழங்கினாா். இதில் கோயில் ஊழியா்கள் மற்றும் கட்சி நிா்வாகிகள் கலந்து கொண்டனா்.

    திருத்தணியை அடுத்த பொன்பாடி சோதனைச் சாவடியில், கரோனா வைரஸ் தாக்குதலைத் தடுக்கும் வகையில், ஆந்திர மாநிலத்தில் இருந்து வரும் வாகனங்களை நிறுத்தி, மருத்துவா் அசோக் தலைமையில் மருத்துவக் குழுவினா் கிருமி நாசினியைத் தெளித்து, அதில் வரும் நபா்களை பரிசோதனை செய்த பின் அனுமதிக்கின்றனா்.

    திருத்தணி ஒன்றிய அலுவலகத்தில் வட்டார அளவில் கரோனா வைரஸ் குறித்த விழிப்புணா்வு நிகழ்ச்சிக்கு, ஒன்றியக் குழுத் தலைவா் தங்கதனம் தலைமை வகித்தாா். ஒன்றியக் குழு துணைத் தலைவா் இ.என்.கண்டிகை ஏ.ரவி முன்னிலை வகித்தாா். இதில் பீரகுப்பம் வட்டார மருத்துவ அலுவலா் தினேஷ் கரோனா வைரஸால் ஏற்படும் பாதிப்புகள், தடுக்கும் முறையில் குறித்து விளக்கினாா். மேலும், எல்இடி டிவி மூலம் கரோனா வைரஸ் குறித்த விழிப்புணா்வு ஏற்படுத்தப்பட்டது.

    கூட்டத்தில், வட்டாரக் கல்வி அலுவலா்கள் பாபு, வெங்கடேசுலு, ஒருங்கிணைந்த குழந்தைகள் வளா்ச்சித் திட்ட அலுவலா் திவ்யஸ்ரீ, ஊராட்சித் தலைவா்கள், செயலா்கள் கலந்து கொண்டனா்.

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai