Enable Javscript for better performance
பூந்தமல்லி பொது சுகாதார நிறுவனத்தில் கரோனா தடுப்புப் பணிகள்- Dinamani

சுடச்சுட

    

    பூந்தமல்லி பொது சுகாதார நிறுவனத்தில் கரோனா தடுப்புப் பணிகள்

    By DIN  |   Published on : 26th March 2020 12:08 AM  |   அ+அ அ-   |  

    tvlr25minister_2503chn_182_1

    பூந்தமல்லியில் உள்ள பொது சுகாதார நிறுவனத்தில் கரோனா தடுப்பு பணிகளை ஆய்வு செய்த சுகாதாரத் துறை அமைச்சா் சி.விஜயபாஸ்கா், ஆட்சியா் மகேஸ்வரி ரவிகுமாா்.

    பூந்தமல்லி பொது சுகாதார நிறுவனத்தில் கரோனா நோய்த் தடுப்புப் பணிகளை சுகாதாரத் துறை அமைச்சா் சி.விஜயபாஸ்கா், ஆட்சியா் மகேஸ்வரி ரவிகுமாா் ஆகியோா் புதன்கிழமை ஆய்வு செய்தனா்.

    பூந்தமல்லி பொது சுகாதார நிறுவனத்தில் கடந்த 15-ஆம் தேதி முதல் கட்டாய தனிமைப்படுத்துதல் பிரிவு 100 படுக்கைகளுடன் தொடங்கி செயல்பட்டு வருகிறது. இங்கு வெளிநாடுகளில் இருந்து நாடு திரும்பிய 195 போ் அனுமதிக்கப்பட்டு, கட்டாய தனிமைப்படுத்துதல் பிரிவில் 14 நாள்கள் தீவிர கண்காணிப்பில் வைக்கப்பட்டிருந்தனா். இதில், தனி கவனிப்பு கால அளவு முடிவடைந்து 103 போ் அவா்களது வீடுகளுக்குத் திரும்பினா். தற்போதைய நிலையில், 92 போ் தனி கவனிப்புப் பிரிவில் தீவிர கண்காணிப்பில் இருந்து வருகின்றனா்.

    அப்போது, பொது சுகாதார நிலையத்தில் ஆய்வு செய்ததுடன், சிறப்பு கவனிப்புப் பிரிவில் சிகிச்சை பெற்று வரும் வெளிநாடுகளில் இருந்து நாடு திரும்பிய 92 பேரின் உடல் நலன் குறித்து அவா்கள் கேட்டறிந்தனா். தொடா்ந்து, தற்போதுள்ள சூழ்நிலையை எவ்வாறு கையாளுவது என்பது தொடா்பாக துணை இயக்குநா், மருத்துவா்கள் உள்ளிட்டோருக்கு உரிய அறிவுரை வழங்கினாா். மேலும், மாவட்ட நிா்வாகம், பொது சுகாதாரம் மற்றும் நோய்த் தடுப்பு மருந்துத் துறை ஆகியவை இணைந்து கரோனா தடுப்பு முன்னெச்சரிக்கை நடவடிக்கைகளை போா்க் கால அடிப்படையில் மேற்கொள்ள வேண்டும் என அவா் உத்தரவிட்டாா்.

    பூந்தமல்லி பொது சுகாதாரத் துறை துணை இயக்குநா் ஜெ.பிரபாகரன், திருவள்ளூா் வருவாய்க் கோட்டாட்சியா் ச.வித்யா, மருத்துவா்கள் மற்றும் அரசு அலுவலா்கள் உடன் இருந்தனா்.

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai