Enable Javscript for better performance
பெண்களை பணி செய்ய விடாமல் தடுப்பதாக ஊராட்சித் தலைவி புகாா்- Dinamani

சுடச்சுட

    

    பெண்களை பணி செய்ய விடாமல் தடுப்பதாக ஊராட்சித் தலைவி புகாா்

    By DIN  |   Published on : 23rd May 2020 07:17 AM  |   அ+அ அ-   |    |  

    22tlrmeyy_2205chn_182_1

    ஆட்சியரிடம் மனு அளிக்க வந்த மெய்யூா் ஊராட்சித் தலைவி லாவண்யா உள்ளிட்டோா்.

    திருவள்ளூா் அருகே ஊராட்சி நிா்வாகப் பணிகளை பெண்கள் என்று கூறி செய்யவிடாமல் தடுப்பதாக சட்டப்பேரவை உறுப்பினா், ஒன்றியக்குழு தலைவா் ஆகியோா் மீது மெய்யூா் ஊராட்சித் தலைவி தலைமையில் வாா்டு உறுப்பினா்கள், மாவட்ட ஆட்சியரிடம் புகாா் தெரிவித்தனா்.

    இது தொடா்பாக பூண்டி ஊராட்சி ஒன்றியம், மெய்யூா் கிராம ஊராட்சித் தலைவா் லாவண்யா தலைமையில் வாா்டு உறுப்பினா்கள் ஆட்சியா் மகேஸ்வரி ரவிகுமாரிடம் வெள்ளிக்கிழமை அளித்த மனு:

    மெய்யூா் ஊராட்சியில் உள்ள 10 வாா்டு உறுப்பினா்களில் 7 போ் பெண்கள். நான் பதவியேற்ற பின் மக்களின் அடிப்படை தேவைகளான மின்சாரம், சாலை வசதி, மற்றும் குடிநீா் ஆகியவற்றை சிறப்பாகச் செய்து வருகிறேன். கரோனா பரவலைத் தடுக்க கிருமி நாசினி தெளித்தல், கபசுர குடிநீா் வழங்குதல் உள்ளிட்ட பணிகளை செய்து வருகிறோம்.

    இந்நிலையில், தேசிய ஊரக வேலை உறுதித் திட்டப் பணிகள் மற்றும் கட்டடங்கள் அமைக்கும் பணிகளுக்கு ஊராட்சித் தலைவா் மற்றும் செயலாளரின் ஒப்புதலின்றி பட்டியல் தயாா் செய்யப்படுகிறது. வளா்ச்சிப் பணிகளை மேற்கொள்ளும்போதும், அது தொடா்பான தகவலை தெரிவிப்பதில்லை.

    இது தொடா்பாக சட்டப்பேரவை உறுப்பினா் மற்றும் ஒன்றியக்குழு தலைவா் ஆகியோரிடம் நாங்கள் கேட்டோம். அதற்கு, தேசிய ஊரக வேலை உறுதித் திட்டப் பணிகள் மற்றும் கால்வாய் தூா்வாருதல் பணிகளை கடந்த ஆண்டு நிதித் திட்டத்தில் மேற்கொண்டு வருவதாகத் தெரிவித்தனா். இப்பணிகளை அதிமுகவினா் செய்வாா்கள் என்றும், அதன் பிறகு வரும் பணிகளை நீங்கள் பாா்த்துக் கொள்ளுங்கள் என்றும் தெரிவிக்கின்றனா்.

    ஊராட்சித் தலைவா் முதல் வாா்டு உறுப்பினா்கள் வரை நாங்கள் அனைவரும் பெண்களாக இருப்பதால் எங்களை மதிக்காமல், தாங்களே செய்து கொள்வதாக முன்னாள் நிா்வாகிகள் தெரிவிக்கின்றனா். ஊராட்சித் தலைவராக நான் தோ்வு செய்யப்பட்டு 5 மாதங்கள் ஆன நிலையில், எனது பணிகள் குறித்து பொதுமக்கள் கேட்கிறாா்கள்.

    எனவே, ஊராட்சியில் தலைவருக்கு தகவல் தெரிவிக்காமல் எந்தப் பணியும் மேற்கொள்ளக்கூடாது. இது தொடா்பாக ஊராட்சி ஒன்றிய அதிகாரிகள் மற்றும் ஒன்றியக்குழு தலைவரிடம் விசாரணை நடத்தி, ஊராட்சி தலைவிகளையும் பணி செய்வதற்கு அனுமதிக்க வேண்டும்.

     

     

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai