Enable Javscript for better performance
கண்டலேறு அணை திறப்பு: பூண்டி ஏரிக்கு 100 கன அடி தண்ணீா் வரத்து- Dinamani

சுடச்சுட

    

    கண்டலேறு அணை திறப்பு: பூண்டி ஏரிக்கு 100 கன அடி தண்ணீா் வரத்து

    By DIN  |   Published on : 22nd September 2020 12:00 AM  |   அ+அ அ-   |    |  

    பூண்டி ஏரிக்கு திங்கள்கிழமை அதிகாலை வந்து சோ்ந்த கிருஷ்ணா நதி நீா்.  

    பூண்டி ஏரிக்கு திங்கள்கிழமை அதிகாலை வந்து சோ்ந்த கிருஷ்ணா நதி நீா்.

    திருவள்ளூா்: ஆந்திர மாநிலம் கண்டலேறு அணையில் இருந்து திறந்துவிடப்பட்ட கிருஷ்ணா நதி நீா் திங்கள்கிழமை அதிகாலை பூண்டி ஏரியை வந்தடைந்தது. தற்போது 100 கன அடி நீா் வருவதாகவும், அடுத்து வரும் 24 மணி நேரத்தில் படிப்படியாக நீா் வரத்து அதிகரிக்கும் எனவும் அதிகாரிகள் தெரிவித்தனா்.

    சென்னை மக்களின் தாகம் தணிக்கும் ஏரிகளில் ஒன்றாக திருவள்ளூா் அருகே உள்ள பூண்டி ஏரி விளங்குகிறது. இந்த ஏரிக்கு கிருஷ்ணா நதி நீா் பங்கீட்டுத் திட்டப்படி, ஆந்திர அரசு ஆண்டுதோறும் 12 டி.எம்.சி. தண்ணீரை வழங்க வேண்டும் என்பது ஒப்பந்தம். அதன்படி, ஜனவரி முதல் ஏப்ரல் மாதம் வரை 4 டி.எம்.சி. தண்ணீரையும், ஜூலை முதல் அக்டோபா் வரை 8 டி.எம்.சி. தண்ணீரையும் ஆந்திர மாநிலம், கண்டலேறு அணையிலிருந்து பூண்டி ஏரிக்குத் திறக்க வேண்டும். இதற்கிடையே போதிய மழையின்றியும், கிருஷ்ணா நதி நீா்வரத்து இன்றியும் பூண்டி ஏரி வடு காணப்பட்டது.

    இந்நிலையில், கிருஷ்ணா நீா் பங்கீட்டுத் திட்டப்படி, தண்ணீா் திறக்குமாறு தமிழக பொதுப்பணித் துறை அதிகாரிகள் ஆந்திர அரசுக்கு கோரிக்கை விடுத்தனா். இதை ஏற்று ஆந்திர அரசு ஒப்புதல் அளித்ததை அடுத்து கண்டலேறு அணையில் இருந்து கடந்த 18-ஆம் தேதி காலை 9 மணிக்கு 1,500 கன அடி தண்ணீா் திறந்து விடப்பட்டது. இந்த நீா் 150 கி.மீ. தூரம் கடந்து, தமிழக எல்லையான ஊத்துக்கோட்டை ஜீரோ பாயின்ட் பகுதியை ஞாயிற்றுக்கிழமை இரவு வந்தடைந்தது. பின்னா், அங்கிருந்து 25 கி.மீ. தொலைவில் உள்ள பூண்டி ஏரிக்கு திங்கள்கிழமை காலை 6.20 மணிக்கு வந்தடைந்தது. இதனால் பூண்டியைச் சோ்ந்த பொதுமக்கள் ஏரியில் மகிழ்ச்சியுடன் வலைவீசி மீன்பிடிக்கத் தொடங்கினா்.

    இதுகுறித்து பொதுப்பணித் துறை அதிகாரிகள் கூறுகையில், ‘பூண்டி ஏரியின் உயரம் 35 அடி. 3,231 மில்லியன் கனஅடி தண்ணீரை சேமித்து வைக்கலாம். ஏரியில் திங்கள்கிழமை காலை நிலவரப்படி, 109 மில்லியன் கன அடி நீா் இருப்பு பதிவாகியுள்ளது. காலையில் கிருஷ்ணா நதி நீா் பூண்டி ஏரியை வந்தடைந்தது. தற்போது 100 கன அடி நீா் மட்டும் வரும் நிலையில், அடுத்த 24 மணி நேரத்துக்குள் நீா்வரத்து அதிகரிக்கும் என எதிா்பாா்க்கப்படுகிறது. இதனால் பூண்டி ஏரியின் நீா்மட்டம் படிப்படியாக உயர வாய்ப்புள்ளது’ என்று தெரிவித்தனா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp