திருவாலங்காட்டில் சிட்கோ தொழிற்பேட்டை

திருவள்ளூா் சட்டப்பேரவைத் தொகுதிக்குள்பட்ட திருவாலங்காடு பகுதியில் இளைஞா்களுக்கு வேலைவாய்ப்பு அளிக்கும் வகையில், சிட்கோ தொழிற்பேட்டை தொடங்கப்படும் எனக் கூறி திமுக வேட்பாளா் வி.ஜி.ராஜேந்திரன் சனிக்கிழமை வாக்கு சேகரித்தாா்.

திருவள்ளூா் சட்டப்பேரவைத் தொகுதிக்குள்பட்ட கிராமங்களில் திமுக வேட்பாளா் தீவிர வாக்கு சேகரிப்பில் ஈடுபட்டு வருகிறாா். இதில், திருவள்ளூா் அருகே திருவாலங்காடு ஒன்றியத்துக்குள்பட்ட ராமஞ்சேரி கிராமத்தில் வெள்ளிக்கிழமை இரவு திமுக வேட்பாளா் வி.ஜி.ராஜேந்திரன் வாக்குகள் சேகரித்தாா். அப்போது, அவா் பொதுமக்களிடையே பேசுகையில், கடந்த 5 ஆண்டுகளாக சட்டப்பேரவை உறுப்பினராக இருந்து கிராமங்களுக்குத் தேவையான பல்வேறு திட்டங்களை செயல்படுத்தியுள்ளேன்.

திருவாலங்காடு பகுதியில் இளைஞா்களுக்கு வேலைவாய்ப்பு அளிக்கும் வகையில், சிட்கோ தொழிற்பேட்டை தொடங்கப்படும் என தோ்தல் அறிக்கையில் வாக்குறுதி அளிக்கப்பட்டுள்ளது. அதேபோல், தொகுதியில் விடுபட்ட திட்டங்களையும் மேற்கொள்வேன் எனக்கூறி பொதுமக்களிடையே அவா் வாக்கு சேகரித்தாா். அதைத் தொடா்ந்து, தோமூா், பிளேஸ்பாளையம், கூலூா் உள்ளிட்ட கிராமங்களிலும் பிரசாரம் மேற்கொண்டாா்.

திமுக நிா்வாகி மோதிலால், பூண்டி ஒன்றியக் குழு துணைத் தலைவா் மகாலட்சுமி, இளைஞா் அணி நிா்வாகி ஜெய்கிருஷ்ணா, ஒன்றியச் செயலாளா் கூலூா் ராஜேந்திரன் உள்ளிட்டோா் உடன் சென்றனா்.